Regles Ortogràfiques (1917)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Acadèmia de la Llengua Catalana creada en 1880 y propuesta per Francesc Pelagi Briz y enchegada per Àngel Guimerà en o Congrés Catalanista de 1880 fa una propuesta como reacción a la Proposta de Normes ortogràfiques de l'Institut d'Estudis Catalans fendo una proposición de grafia baixo o nombre de "Regles ortogràfiques" que se va editar en 1916 y se va publicar una segunda edición en 1917 per l'editora Estampa de la Renaixença. Estas normas no van tener guaire acullida social pero son una fita historica en os intentos de normalización grafica d'o catalán.

En a introducción d'esta propuesta de normas graficas "Regles Ortogràfiques", os promotors manifiestan a suya intención d'obtener a uniformidat en a escritura d'o catalán metendo ficancia en a gran variedat de pronunciacions d'os diversos territorios aon se parla a lengua. Se tracta d'evidenciar a intención que os diversos dialectos d'o catalán puedan fer servir una misma ortografia y no se produzca garra refuse a garra variedat. Con esta primera declaración d'intencions se miran de conseguir dos cosas, d'una man aplicar ya a principios d'o sieglo XX o concepto de grafía soporte y d'atra man, privar o refuse d'o catalán escrito per cualsiquier parlador de cualsiquier dialecto. De deito, a lo largo d'a exposición d'as grafías se fan alusions a Valencia, Mallorca y atros territorios de parla catalana.

Con tot y con ixo, no van tener impacto social ni literario pero representan un documento historico en o proceso de dignificación y normalización lingüistica d'a lengua catalana.

Datos: Q46600671