Raw Deal (cinta de 1986)
- Iste articlo ye sobre una cinta estausunidense de 1986 de cine d'acción; ta atros usos, se veiga Raw Deal y Raw Deal
Raw Deal (títol orichinal en anglés, en aragonés Inchusticia, enguerada en Aragón con o títol en castellano d'Ejecutor, en aragonés Executor) ye una cinta de cine d'acción de cine estausunidense de l'anyo 1986 dirichida por John Irvin seguntes un guión adaptau por Gary DeVore y Norman Wexler (basau en una historia de Luciano Vincenzoni y Sergio Donati), con una banda sonora orichinal de Chris Boardman, una dirección de fotografía d'Alex Thomson y una producción cinematografica de Martha Schumacher ta la productora cinematografica International Film Corporation. Conta con un elenco que se composa, entre d'atros actors, por Arnold Schwarzenegger, Kathryn Harrold, Darren McGavin, Sam Wanamaker, Paul Shenar, Steven Hill, Ed Lauter, Joe Regalbuto, Robert Davi, Blanche Baker y Steve Holt.
En aviento de 1985 a Mafia asasina a un informant d'o Federal Bureau of Investigation a los achents d'o FBI que el protecen, entre los cuals se troba Blair Shannon. Iste ye fillo d'un atro achent d'o FBI, Harry Shannon, qui chura vengar-se. D'atra man, Mark Kaminski ye un antigo achent d'o FBI que ye lo "sheriff" d'un lugarón perdiu dende que l'expulsoron en haber abatanau a un delincuent que heba violau y dimpués asasinau a una nina. Cuan Harry veye que o FBI ye infiltrau por chent pagada por Luigi Patrovita, lo capo d'a Mafia de Chicago, contacta con Mark y li encomana extraoficialment que s'infiltre en a organización ta desmantelar-la. Simula a suya muerte aparent en un siniestro y se fa pasar por Joseph P. Brenner, un delincuent que acaba de marchar d'una luenga estada en a garchola. Ta congraciar-se con Petrovita, prencipia a acosar a Martin Lamanski, dirichent d'un clan rival d'iste en a Mafia. Bien luego descubre que l'infiltrau en a Chusticia ye lo fiscal Marvin Baxter, qui ye le suyo enemigo dende que presionó ta que l'expulsasen d'o FBI.
A cinta s'ambienta en Chicago (Illinois) y Carolina d'o Norte en os Estaus Unius y las suyas escenas se filmoron en Chicago en Illinois y en bellas localidaz de Tennessee y Carolina d'o Norte (incluyiu en iste zaguer estau Wilmington).[2]
| Actor | Papel | Notas |
|---|---|---|
| ' |
Se veiga tamién
editarReferencias
editar- ↑ 1,0 1,1 (en) Enguero de Raw Deal en Internet Movie Database.
- ↑ (en) Localizacions de Raw Deal en Internet Movie Database.
- ↑ (en) Raw Deal en Internet Movie Database.
Datos: Q261601
