Rasuradera
A rasuradera[1] u afaitadera[1], tamién maquina de rasurar u maquina d'afaitar, ye un chicot electrodomestico que se fa servir en o rasurau masculín.
O inventor d'a maquineta electrica estió o norteamericano Jacob Schick. Schick heba detectau a incomodidat que suposaba o rasurau con una fuella de rasurar cuan no se teneba augua u sabón, asinas que miró d'inventar un aparato ta o rasurau ixuto.
En l'anyo 1931 amaneixió a suya primera rasuradera, encara que no tenió guaire exito. Manimenos o suyo animo no decayó y en 1937 consiguió vender cuasi dos millons d'aparatos en os Estaus Unius, Anglaterra y Canadá.
En os anyos 1940 Remington Rand presentó a primera rasuradera con dos cabezals que sería a prochenitora d'as maquinetas con cabezals multiples. Fue tamién Remington qui promovió a primera maquineta disenyada ta a depilación d'o vello femenín.
Un atro inventor important estió o profesor Alexandre Horowitz, d'os laboratorios Philips en os Países Baixos, que inventó o popular concepto d'a maquineta basculant.
A rasuradera s'acciona por un chicot motor y tien un cabezal con cuantas fuellas que tallan o pelo que dentra por os foraus a o ran d'a piel. A mayoría d'as rasuraderas pueden conectar-se a o rete electrico, encara que tamién pueden funcionar con pilas.
Se veiga tamién
editarReferencias
editar- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Vinclos externos
editar
Se veigan as imáchens de Commons sobre a rasuradera.
Datos: Q17457835- Multimedia: Electric shavers / Q17457835
