Acido ribonucleico
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'Acido ribonucleico, tamién conoixiu por as suyas siglas latinas ARN y, en l'ámbito cientifico, con as siglas anglosaxonas «RNA» (de «Ribonucleic acid») ye un tipo prencipal de biomolecula que contiene una secuencia de ribonucleotidos concatenaus que constituyen as suyas subunidaz. Cada ribonucleotido consist en una base nitrochenada, un zucre de tipo ribosa, y un fosfato. A estructura de l'ARN guarda muitas semellanzas con l'ADN, anque difieren en cualques diferencias puntuals (anque prencipals) que fan cua cadagún tienga propiedaz bien diferents de l'altro cara a la biolochía d'a celula.
A tamas que o DNA se troba en forma d'una doble cadena antiparalela en a celula (dsDNA, «double stranded DNA»), l'ARN gosa ser-ie present en forma de cadena sencilla (ssRNA, «single stranded RNA»), estando que ista ye a suya forma per muito mas frecuent, anque ta diferents funcions y en bels fenomenos conoixius d'a biolochía molecular, moleculas pereixederas e intermediarios d'ARN de dos cadenas (dsRNA) se gosan sintetizar. A demés, e ista ye a diferencia que gosa condicionar todas as altras, os nucleotidos d'ARN se forneixen dencima d'una pentosa que ha nombre ribosa que les fa de bastida prencipal, y que lieva o grupo hidroxilo (-OH) en toz os suyos atomos de carbonio per contraposición con as desoxirribosas, que fan parte de l'ADN, que careixen d'un atomo d'oxicheno en comparanza. A tercer diferencia prencipal d'entre ARN y ADN ye en os cuatre tipos de bases nitrochenadas que poseyen: adenina, uracilo, citosina y guanina en l'ARN, y adenina, timina, citosina y guanosina en l'ADN, estando diferent que l'ARN tiene uracilo por cuentas de timina.
Se veiga tmién
editarVinclos externos
editar
Se veigan as imáchens de Commons sobre l'acido ribonucleico.
