Quarts y veïnats d'Andorra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os quarts (en aragonés quartos) y os veïnats (en aragonés vecinatos) son as divisions administrativas en que se trestallan bellas parroquias d'Andorra.

Asinas as parroquias d'Ordino, La Massana y Sant Julià de Lòria se dividen en quarts, mientres que a parroquia de Canillo se divide en veïnats:

• Canillo: veïnats d'Aldosa, Meritxell, Prats, Ransol, el Tarter y Soldeu.
• La Massana: quarts de l'Aldosa, Anyós, Arinsal, Erts, la Massana, Pal y Sispony.
• Ordino: quarts d'Ansalonga, La Cortinada, Llorts, Ordino y Sornàs.
• Sant Julià de Lòria: quarts d'Aixirivall, Auvinyà, Bissisarri, Certers, Fontaneda y Nagol. D'antis mas tamién existiban os quarts de Dalt y de Baix.

Historia

Os orichens d'os quarts y os veïnats se troban en a necesidat d'as casas d'organizar socialment o espacio d'o suyo arredol. Asinas as casas más importants agruparán a atras casas d'a mesma población y encluso d'atras de lugars vecins formando quarts u veïnats. A lechislación andorrana no define as atribucions d'istas subdivisions, ye a costumbre las marca. Asinas tradicionalment ha estato por eixemplo a faina d'os quarts y veïnats administrar os biens, pastos y selvas d'o suyo territorio. A institución tiene una función administrativa y reguladera que puet variar seguntes as riquezas de cada termin.

Vinclos externos

• (ca) Els Comuns i els Quarts. Información en a pachina d'o Comú de Sant Julià de Lòria

Referencias

• Datos: Q20612927