Pozo de los Aines

Pozo de los Aines en Grisel.

O pozo de los Aines ye una dolina de 23 metros de profundidat amán de Grisel, situato en la comarca de Tarazona y Moncayo.

ToponimiaEditar

O nombre d'Aines tien o suyo orichen en l'arabe ayn (auguamanal u fuent).[1] Unatra versión mas popular l'asocia con una moceta clamada Ainés (en castellán Inés) que cayió a lo pozo trobó la suya muerte en as suyas profundidatz, per o que lo clamoron "o pozo de l'Ainés", dechenerando dica rematar en Aines.

A primera mención d'a finca a on que se troba esta dolina ye un testamento de 1586 (torre de los Eynes).[2] A primers d'o sieglo XVII lo portugués João Baptista Labanha fació mención d'a finca y d'a dolina que bi heba en o suyo libro "Itinerario del Reyno de Aragón (1610-1611)":

Fora da Cidade, pouco maes de 1/4 L. de Grisel, para a parte direita, tem o Arcediano de Taraçona, hua casa de prazer Chamada Saines, na qual há hua cima natural, e bem estranha, terá de diametro algums cem pés, he bem funda, vayse estreitando, pouco, toda povoada de hervas, e plantas Silvestres, estila em muitas partes agua, que Chegada a baixo Se Some toda; he toda de Peña de Argamassa, e tem por ella feita hua boa decida, Com estanciosa Espaços, pella qual se Chega the o fundo no qual ha hua Praça, que tera 50 pés. Criao nella muitas aves, e he estremada Couza para o verao...[3]

LiendaEditar

Enta 1535 os habitants d'o lugar de Grisel yeran en a suya mayoría moriscos, musulmans convertius forzosament a lo cristianismo, estando muitos os que en secreto seguiban practicando la suya antiga relichión. Asinas viviba un morisco clamau "Hamet-Ben-Larbi", que en o diya d'a Virchen d'Agosto, un día festivo per os cristians, salió enta treballar. Poco dimpués de prencipiar a suya fayena se sintió un gran rudio y lo moro y las suyas caballerías desapareixioron en un gran forau que allí se fació, o clamau "pozo de los Aines". Os habitants de Grisel espantaus per aquell fenomeno l'atribuyioron a un castigo de Dios per treballar en un día festivo.

ReferenciasEditar

  1. (es) Manuel Gargallo Sanjoaquín Toponimia turiasonense (I). Archivo de Filología Aragonesa. Nº XLIV-XLV. 1990. p. 29.
  2. (es) Jesús Criado Mainar: Martín de Mezquita, tesorero de la catedral de Nuestra Señora de la huerta de Tarazona (Zaragoza), Merindad de Tudela, nº 25, 2017. p 15.
  3. (pt) João Baptista Lavanha, Lupercio Leonardo y Argensola, Tomás Fermín de Lezaún y Tornos: Itinerario del reino de Aragón por don Juan Bautista Labaña. Establ. tipog. del Hospicio provincial, 1895. p 116.

Vinclos externosEditar