Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

A poliomielitis, tamién dita pólio, paralís infantil y malautía de Heine-Medin, ye una malautía infecciosa virica aguda que se transmite d'una persona a atra prencipalment por via fecal-oral.[1] O termin deriva d'as parolas griegas poliós (πολιός), "gris"; y myelós (µυελός), en referencia a lo "miollo osio", y o sufixo -itis, que denota inflamación.[2] Tot y que alto u baixo o 90% d'as infeccions por pólio no causan garra mena de sintomas, os individuos afectatos pueden presentar una variedat de sintomas si o virus dentra en o fluxo sanguinio.[3] En alto u baixo l'1% d'os casos, o virus dentra en o sistema niervoso central, infectando y destruindo preferentment neuronas motrices, prevocando debilidat muscular y paralís flacido. Pueden producir-se diferents tipos de paralises, pendendo de que niervos sían afectatos. A polio espinal ye a forma mas común, y se caracteriza por un paralís asimetrico que en a mayoría de casos afecta a las garras. A pólio bulbar causa una debilitat d'os musclos inervatos por os niervos cranials. A pólio bulboespinal ye una combinación de paralís bulbar y espinal.[4]

Icono d'aviso medico
Icono d'aviso medico
Advertencia: Biquipedia no ye un consultorio medico.
Si creye que aprecisa d'aduya, por favor consulte con un profesional d'a salut.
Hombre con a garra dreita atrofiata por a poliomielitis.

Referencias editar

  1. (en) Cohen J. I. Chapter 175: Enteroviruses and Reoviruses. Harrison's Principles of Internal Medicine. Kasper D. L., Braunwald E., Fauci A. S. et al. (eds.). McGraw-Hill Professional. 2004 ISBN 0-07-140235-7
  2. (en) Chamberlin S. L., Narins B. (eds.). The Gale Encyclopedia of Neurological Disorders. Thomson Gale. Detroit. 2005. ISBN 0-7876-9150-X
  3. (en) Ryan K. J., Ray C. G. (eds.). Enteroviruses. Sherris Medical Microbiology. McGraw Hill. 2004. ISBN 0-8385-8529-9
  4. (en) Atkinson W., Hamborsky J., McIntyre L., Wolfe S. (eds.). Poliomyelitis. Epidemiology and Prevention of Vaccine-Preventable Diseases (The Pink Book). Public Health Foundation. Washington DC. 2007