Podadera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una podadera, podadora, bribador[1] u bribadera[2] ye una ferramienta emplegada ta fer fainas de poda.
A podadera ye una ferramienta talladera disenyada especialment ta efectuar a poda d'árbols y arbustos. O suyo mecanismo ye parellano a lo d'unas estixeras en contar con dos fuellas que se mueven sobre un eixe fendo un mecanismo de palanca. As fuellas con os cantos afilaus tallan os obchcetos que se sitúan entre ellas. As podaderas se caracterizan por a menor largaria y a mayor rebusteza d'as fuellas que unas estixeras normals lo que las habilita ta tallar elementos gruesos. Pueden tener una sola fuella afilada u as dos[3].
N'i hai de cuantos tipos diferents:
- Estixeras de podar. Tienen as fuellas curvas ta tallar limpiament y amán d'o tronco.
- Podadera d'enclusa. Consta d'una fuella afilada que presiona sobre una superficie plana que fa d'enclusa.
- Podadera de brazo largo. Conta con ansas extensas de modo que se eixerce un esfuerzo incrementau de palanca. Asinas, puede tallar tallos más gruesos que as simplas estixeras.
- Podadera de vareta. Consta d'un elemento tallant situau en rematar una vareta que s'acciona a traviés d'una cordeta. S'emplega ta tallar brancas muit elevadas u de difícil acceso.
Referencias editar
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (ca) "Les vuit llengües de la península Ibèrica". Guillerm Belmar i Viernes. Ed. Malhivern. Abril de 2011. ISBN 978-84-937746-4-6
- ↑ (es) Podadora: tipos y criterios de selección
Enlaces externos editar
Se veigan as imáchens de Commons sobre as podaderas.
