Plaza de Sant Felipe (Zaragoza)
  Plaza de Sant Felipe
| |
|---|---|
.jpg) | |
| Ciudat | Zaragoza |
| Districto | Casco antigo |
| Forma d'a plaza | rectangular |
| Eponimo | Sant Felipe apóstol |
 | |
 
| |
A plaza de Sant Felipe (en castellano y oficialment Plaza de San Felipe) ye situata en o casco historico d'a ciudat de Zaragoza, en Aragón. Se i accede prencipalment dende a Carrera Alifonso I a traviés d'a carrera Torrenueva. Destacan beluns d'os edificios d'a plaza:
- A Ilesia de Sant Felipe y Sant Chaime o Menor una buena muestra de l'arquitectura barroca de Zaragoza.
- O Palacio d'os Contes d'Argillo - Museu de Pablo Gargallo, palacio renaixentista aragonés perteneixient mientres o sieglo XIX a la familia que d'a que prene o nombre, ye declarato Molimento Nacional dende 1944 y en l'actualidat contiene un museu monografico sobre o escultor aragonés.
- O Torretón de Fortea que ye una chicota torre medieval d'estilo mudéchar, o millor eixemplo d'arquitectura civil mudéchar d'o sieglo XV d'a ciudat. En l'actualidat perteneixe a l'concello d'a ciudat y incluye un chicot museu sobre a desapareixita Torre Nueva, una sala de exposicions y servicios d'o concello.
En a Edat Meya bi heba una basa dita "Laguna de Sant Felip" que podió estar un deposito d'augua artificial. Sobre lo fondón d'esta basa posoron los alacez d'a Torre Nueva, d'astí que s'inclinase.
Torre Nueva
editar
A desapareixita Torre Nueva que yera situata en ista plaza estió un simbolo popular y d'a ciudat, teneba a caracteristica singular de estar inclinata y s'emplegaba de mirador d'a ciudat. A torre fue construita a principios d'o sieglo XV en ladriello y d'estilo mudéchar y se convertió en ya en o mismo sieglo o gran icono d'a ciudat. O concello decidió d'escachar-la en 1892 ya que deciban yera en periglo de ruina por a suya inclinación. I habió una gran oposición por a mayor parti d'a población y d'os intelectuals d'a ciudat, pero a la fin fue escachata.
Hue en o suelo d'a plaza ye sinyalato lo punto exacto a on yera la torre y bi ha una estatua d'un nino posato en o suelo y mirando a la torre.
Datos: Q3392160
Multimedia: Plaza de San Felipe (Zaragoza) / Q3392160
