Pitt Street
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
  Pitt Street
| |
|---|---|
 | |
| Ciudat | Sydney |
| Districto | Districto d'afers central |
| Prencipia | Circular Quay |
| Remata | Waterloo |
| Eponimo | William Pitt |
 | |
 
| |
Pitt Street ye una carrera situada en o districto d'afers central de Sydney en Nueva Galas d'o Sud en Australia. A carrera trescruza tot o centro d'a ciudat dende Circular Quay en o norte dica Waterloo, encara que actualment a carrera ye trestallada en dos seccions dimpués de que se fese en a metat a Gara Central de Sydney. Pitt Street ye prou conoixida por a suya parti piatonal en o sector dito Pitt Street Mall, que s'estendilla dende Market Street dica King Street.
A carrera ye d'una sola dirección (enta o sud) dende Railway Square dica Pitt Street Mall y (enta o norte) dende Circular Quay dica Pitt Street Mall, mientres que Pitt Street Mall ye nomás piatonal. A sección norte d'a carrera, dende Railway Square dica Circular Quay, ye dominada por botigas y centros comercials, mientres que a sección sud, dende Railway Square a traviés de Redfern dica Waterloo, ye mas que mas residencial con poco uso comercial y industrial.
Historia
editarPitt Street se deciba orichinalment Pitt Row,[1] y estió una d'as primeras carreras con nombre en a ciudat de Sydney. Encara que ye normalment acceptau que prene o nombre d'o Primer ministro britanico William Pitt, qui yera en o cargo cuan s'establió Sydney, bi ha una versión alternativa que diz que en os primers anyos se deciba asinas porque remataba amán d'os foraus (en anglés "pits") feitos en 1791–1792 en a construcción d'o Tank Stream, a fuent orichinal d'augua d'a colonia. En 1842, s'enampló Pitt Street enta o sud a traviés de Waterloo con a subdivisión de Redfern. En 1853, Pitt Street s'estendilló enta o norte dende Hunter Street dica Circular Quay.[2]
Linia de tramvía
editarA linia de tramvía de Circular Quay, a traviés d'a Gara Central, Pitt Street y Castlereagh Street yera a-saber-lo concurrida y muit emplegada por pasachers que plegaban con trens de redolada dica a Gara Central, mas que mas antis de que estase enguerau o metro d'a ciudat en l'anyo 1926. Os tramvías operaban dende a Gara Central puyando enta o norte a traviés de Pitt Street dica Circular Quay chirando (endrezando-se ta baixar enta o sud por Castlereagh Street) y tornando atra vegada a la Gara Central. Istas vías tamién fuoron emplegadas en periodos de maxima actividat por otras linias de l'este y sudueste d'a ciudat. A linia zarró o 28 de setiembre de 1957, estando reemplazada por un servicio d'autobús.[3] Emplegaba o viaducto d'arcadas de piedra d'arena que se troba en a Gara Central y que dende 1997 se fa servir como parti d'a linia Dulwich Hill Line d'o muderno rete de ferrocarril de Sydney.
Referencias
editar- ↑ (en) "Notes and anecdotes about old Pitt StreetT: From One OfIr.C. H. Bertie's arresting articles". National Library of Australia. The Freeman's Journal. 1 de chulio de 1920. http://nla.gov.au/nla.news-article115601610/12804777. Retrieved 6 d'aviento de 2015.
- ↑ (en) City of Sydney, Street Names 22 de mayo de 2009
- ↑ (en) Keenan, D. Tramways of Sydney. Transit Press 1979
Datos: Q4982428
Multimedia: Pitt Street, Sydney / Q4982428
