Paseyo de Sagasta

Escudo de Zaragoza.svg
Zaragoza street enseigne top.svg
Zaragoza enseigne tl.svg
Zaragoza enseigne tr.svg
Paseyo de Sagasta
Paseo de Sagasta (Zaragoza).jpg
Ciudat Zaragoza
Districto Centro
Prencipia Plaza de Basilio Paraíso
Remata Paseo de Cuellar
Nombre antigo Camín de Torrero
General Mola
Mapa Zaragoza Centro BW.png
Red Point.gif
Red Point.gif
Red Point.gif

Zaragoza enseigne bl.svg
Zaragoza enseigne br.svg

O Paseyo de Sagasta ye una d'as prencipals avenitas d'o centro de Zaragoza.

L'orichen de l'actual paseyo estió lo camín que'n puyaba ta Torrero, dende a Puerta de Santa Engracia cruzando la Uerba. Dezaga os Setios a ciudat prencipió a espardir-se por o camín de Torrero. En ista epoca bi heba prencipalment torres de recreyo arredol d'o río y bella instalación industrial chicota. A burguesía zaragozana s'establió en ista zona d'a ciudat y tamién en o sieglo XIX s'establioron dos importants centros educativos, o colechio d'o Salvador d'os chesuitas y o colechio d'o Sagrato Corazón.

Ya en 1900 s'aprobó lo primer prochecto d'urbanización d'o Paseyo, planificau por Ricardo Magdalena, allora encara camín de Torrero y se construyeron asabelos edificios y chaletz modernistas en a zona destacando a casa Juncosa (Sagasta nº11) disenyata en 1903 por José de Yarza Echenique, a casa Retuerta (Sagasta nº13) de Juan Francisco Gómez Pulido prochectata en 1904, a casa de viviendas d'o nº17 de 1903 de l'arquitecto Félix Navarro Pérez, a Casa Corsini (Sagasta nº19) de l'anyo 1904 y tamién de Juan Francisco Gómez Pulido, y a Casa Palao de l'anyo 1912 disenyata por Miguel Ángel Navarro Pérez.

Mas tardi en 1936 se construyó tamién a seu d'a Confederación Hidrografica de l'Ebro en o nº24 d'o paseyo, obra de Regino y José Borobio.

Mientres a dictadura de Francisco Franco se deciba Paseo del General Mola ("Paseyo d'o Cheneral Mola").