Biquipedia

Pablo Hasél

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pablo Hasél
Información personal
Nombre Pablo Rivadulla Duró
Embotada
Naixió 9 d'agosto de 1988
Murió
Información musical
Orichen Leida (Segrián, Catalunya)
Estilo Rap, Hip hop
Ocupancia Compositor, cantaire, poeta
Instrumentos
Tiempo 2005 - ...
Discograficas
Relacionau con
Pachina web www.myspace.com/hasel

Pablo Rivadulla Duró (9 d'agosto de 1988 de Leida, Segrián, Catalunya), conoixito tamién como Pablo Hasél Ensslin, y artistica y popularment como Pablo Hasél, ye un rapero y poeta comunista leidano.

Biografía

editar

Pablo Hasél naixió en Leida (Segrián, Catalunya) en 9 d'agosto de 1988. Ye fillo de l'expresident d'a Unió Esportiva Lleida.

Enguera en o mundo musical rapero l'anyo 2006 con a contrimuestra Esto no es el paraíso (Isto no ye o paradiso), encara que no sería dica 2007 cuan quita os suyos dos primers treballos: Miedo y asco en Ilerda (Medrana y fastio en Ilerda) y, meses dimpués, Trastorno Tripolar (Trestuque Tripolar).

Encara que en primerías fa servir a embotada de Hasél, emplegará dimpués a embotada de Pablo Hasél u Pablo Hasél Ensslin.

Procesos chudicials y detencions

editar

Pablo Hasél fue detenito en Leida o 4 d'octubre de 2011 por a policía espanyola acusato de fer apolochía d'o terrorismo en as parolas d'as suyas cancions, y ninviato ta l'Audiencia Nacional d'Espanya. O día siguient, dimpués d'haber-ie declarato, fue deixato en libertat con cargos.

Conoixita a detención, un grupo de solidaridat surtió espontaniament demandando a inmediata libertat de l'artista leidano. O manifiesto en favor de l'encausato, promovito y espardito por At Versaris ye estau sinyato por un camatón de grupos como Obrint Pas, Els Pets, Los Chikos del Maíz, Orxata Sound System, KOP u Komando Noguera, y tamién por particulars como o chugador de fútbol Oleguer Presas, entre atros.

Dimpués de cualques procesos chudicials y condenas l'1 de chinero de 2021 l'Audiencia Nacional decretó o suyo ingreso en prisión, condenau a nueu meses y un diya por apolochía d'o terrorismo, pena que se suma a atras que teneba d'antis. A suya detención o 16 de febrero fació que en cualques ciudats habió convocatorias de movilizacions en o suyo reafirme y ta la suya liberación.

Estilo

editar

Pablo Hasél fa una contina actividat gravando temas que le ha levato a haber mas de 15 maquetas. Seguntes diz: "Grabo a escape y no pierdo o tiempo escoscando-me".

En as suyas cancions tracta tres temas:

  • critica social y rap antisistema.
  • Temas sentimentals y personals.
  • Temas a on que s'en ride de tot y a él rai.

Toz os suyos treballos se troban de gufanya en internet en webs dedicatas a o hip hop como hhgroups.com.

Discografía (maquetas)

editar
  • Esto no es el paraíso (demo).
  • Miedo y Asco en Ilerda (re-editata con o títol Ilerda rima con mierda).
  • Trastorno Tripolar.
  • Desde el abismo se goza de las mejores vistas.
  • En Ningún Lugar pero Aquí (con Zyon Revol).
  • No me Joda Doctor.
  • Descuartizando resacas.
  • Quemando la vida.
  • Cuando el tiempo no nos tocaba las ilusiones.
  • Se lo vomite al viento mientras ella se drogaba con otro.
  • Inéditas por Culpa de Aileen Wuornos.
  • Banquete de larvas (contrimuestra).
  • El Che disparaba.
  • Siempre perdidos 1.
  • Siempre perdidos 2.
  • Solos en medio del misterio infinito (poemas).
  • Polvo y Ceniza.
  • Un Café con Gudrun Ensslin.
  • El Infierno sería verlos mas allá.
  • Crucificado en tu clítoris.

Vinclos externos

editar
Obteniu de "https://an.wikipedia.org/w/index.php?title=Pablo_Hasél&oldid=2175607"