Pólder ye una palabra d'orichen neerlandés ta referir-se a os territorios terrestres presos a la mar en ixe país y en Belchica dende o sieglo XII t'adedicar-los a treballos d'agricultura. Iste sistema tamién s'emplega en rechions amanatas de Francia (redolata de Dunkerque) u d'Alemanya, y mudernament s'ha emplegato tamién en atros puestos d'o mundo. A palabra se troba documentata en un mapa de Middelburg (Zelanda) en 1219.

Pólder
Anvista dende satelite d'un pólder en os Países Baixos.
Anvista dende satelite d'a provincia de Flevoland (Países Baixos), constituita en territorios conqueritos a la mar.

O sistema funciona establindo un dique que marca a muga d'o territorio a conquerir a la mar, ta deseparar-lo d'ista, y prencipiando en o suyo interior dos procesos diferents: a desecación y a desalinización. Ta o primer proceso, a desecación, s'emplegan a sobén molins de viento que emplegan asinas a enerchía eolica ta o proceso; dimpués s'emplegan especies de plantas halofitas (ye decir, que eliminan a sal que se hi puet trobar en os terrenos como repui d'a presencia en ells d'a mar) ta rematar o proceso de desecación y desalinización.

Vinclos externosEditar