Osvaldo Lara
Osvaldo Lara 
| ||
|---|---|---|
| Información personal | ||
| Naixencia | 13 de chulio de 1955 L'Habana (L'Habana, Cuba)
| |
| Muerte | 2 de chinero de 2024 L'Habana (L'Habana, Cuba)
| |
| Esporte | Atletismo | |
| Campionatos Centroamericanos y d'o Caribe d'Atletismo | ||
| Oro | Xalapa 1977 | Releus 4 x 100 m |
| Archent | Xalapa 1977 | 200 metros lisos |
| Bronce | Xalapa 1977 | 100 metros lisos |
| Archent | Nassau 1985 | 100 metros lisos |
| Copa d'o Mundo d'Atletismo | ||
| Bronce | Düsseldorf 1977 | Releus 4 x 100 m |
| Oro | Mont-reyal 1979 | Releus 4 x 100 m |
| Chuegos Centroamericanos y d'o Caribe | ||
| Archent | Medellín 1978 | 100 metros lisos |
| Archent | L'Habana 1982 | 100 metros lisos |
| Archent | L'Habana 1982 | 200 metros lisos |
| Chuegos Panamericanos | ||
| Archent | San Juan 1979 | Releus 4 x 100 m |
| Archent | Caracas 1983 | Releus 4 x 100 m |
| Campionatos Iberoamericanos d'Atletismo | ||
| Archent | L'Habana 1986 | Releus 4 x 100 m |
| Chuegos de l'Amistat | ||
| Oro | Moscú 1984 | 100 metros lisos |
| Archent | Moscú 1984 | 200 metros lisos |
Osvaldo Lara, naixiu de L'Habana (L'Habana, Cuba) o 13 de chulio de 1955 y muerto en ixa mesma capital o 2 de chinero de 2024,[1] estió un destacau atleta cubano, especializau en cursas de velocidat, con cuantas medallas ganadas en prebas de velocidat individuals u d'equipo en os Campionatos Centroamericanos y d'o Caribe d'Atletismo, en a Copa d'o Mundo d'Atletismo, en os Chuegos Centroamericanos y d'o Caribe, en os Chuegos Panamericanos, en os Chuegos de l'Amistat y en os Campionatos Iberoamericanos d'Atletismo. En os Chuegos Olimpicos, partecipó en Moscú 1980, encara que no i obtenió garra medalla, quedando nomás que ueiteno en a preba d'os 200 metros lisos.
Carrera esportiva
editarChuegos Olimpicos
editarOsvaldo Lara nomás tenió que una participación en os Chuegos Olimpicos, en Moscú 1980, a on participó en a preba d'os 200 metros lisos, encara que no i obtenió garra medalla, quedando nomás que ueiteno.
Copa d'o Mundo d'Atletismo
editarEn a Copa d'o Mundo d'Atletismo participó en Düsseldorf 1977 en a preba de releus 4 x 100 m con l'equipo de Cuba, obtenendo la medalla de bronce, y en Mont-reyal 1979 en a mesma preba, obtenendo la medalla d'oro, ista vegada fendo parte d'un equipo de nacions latinoamericanas a on bi heban dos cubanos y dos brasileiros.
Chuegos Panamericanos
editarParticipó en dos edicions d'os Chuegos Panamericanos: en San Juan 1979, obtenendo la medalla d'archent con l'equipo d'o suyo país en a preba de releus 4 x 100 m, y en Caracas 1983, tornando a obtener a mesma medalla en a mesma preba d'equipo. Antiparte, en San Juan 1979 tamién participó en os 100 metros lisos, quedando seiseno en a preba, y en Caracas 1983 tornó a participar en os 100 metros lisos, quedando ista vegada cuatreno.
Chuegos de l'Amistat
editarTenió tamién una participación en os Chuegos de l'Amistat, en Moscú 1984, a on ganó la medalla d'oro en a preba d'os 100 metros lisos.
Campionatos Iberoamericanos d'Atletismo
editarEn os Campionatos Iberoamericanos d'Atletismo obtenió la medalla d'archent en a preba de releus 4 x 100 m con l'equipo de Cuba en L'Habana 1986.
Chuegos Centroamericanos y d'o Caribe
editarParticipó en dos edicions d'os Chuegos Centroamericanos y d'o Caribe: en Medellín 1978, a on ganó la medalla d'archent en a preba de 100 metros lisos, y en L'Habana 1982, a on obtenió dos medallas d'archent, en as prebas de 100 metros lisos y 200 metros lisos.
Campionatos Centroamericanos y d'o Caribe d'Atletismo
editarOsvaldo Lara tamién participó en dos edicions d'os Campionatos Centroamericanos y d'o Caribe d'Atletismo, en Xalapa 1977, a on ganó l'oro en releus 4 x 100 m, l'archent en 200 metros lisos y lo bronce en 100 metros lisos, y en Nassau 1985, a on obtenió l'archent en a preba de 100 metros lisos.
Referencias
editar- ↑ (es) Daniel de Malas Andreu: Solo y olvidado: Falleció destacado ex velocista cubano, en SoloCuba, 2 de chinero de 2024.
| Copa d'o Mundo d'Atletismo | ||
|---|---|---|
Predecesor: Lothar Krieg, Franz-Peter Hofmeister, Harald Schmid y Bernd Herrmann
|
Campión en releus 4 x 100 m, con Nelson dos Santos, Silvio Leonard y Altevir de Araújo Mont-reyal 1979
|
Succesor: Krzystof Zwolinski, Zenon Licznerski, Leszek Dunecki, Marian Woronin
|
| Campionatos Centroamericanos y d'o Caribe d'Atletismo | ||
Predecesor: Alfred Daley, Michael Fray, Don Quarrie y Colin Bradford
|
Campión en releus 4 x 100 m, con Alejandro Casañas, Silvio Leonard y Juan Morales Xalapa 1977
|
Succesor: Gregorio García, Esteban Vázquez, Rafael Felix, Gerardo Suero
|
| Chuegos de l'Amistat | ||
| Predecesor: Garra |
Campión en 100 metros lisos Moscú 1984
|
Succesor: Garra |
Datos: Q4254475
