Oliva (Safor)

	Oliva
	Municipio d'o País Valenciano
Entidat; • Estau; • Comunidat; • Provincia; • Comarca	Municipio; Espanya; País Valenciano; Valencia; Safor
Superficie	59,93 km²
Población; • Total	; 25 558 hab. (2013)
Altaria; • Meyana	; 25 m.
Distancia; • 77,2 km	; enta Valencia
Alcalde	David González Martínez
Codigo postal	46780
Coordenadas	38°55’ 9’’N 0° 7’15’’U
	Oliva Oliva en País Valenciano
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre un municipio valenciano en a provincia de Valencia; ta atros usos, se veiga Oliva (desambigación).

Oliva ye un municipio de la provincia de Valencia, situau en la comarca de la Safor. La suya población ye de 27.787 habitants (2013), en una superficie de 59,93 km² con una densidat de población de 463,65 hab/km².

Toponimia

Lo toponimo Oliva proviene de los berbers Awriga.

Cheografía

Lo municipio d'Oliva ye lo cabo meridional de la provincia de Valencia. Por lo suyo relieu cheografico se puede dividir en tres zonas bien diferenciadas: la montanya, la plana y la zona paulenca de lo sud-este

La montanya ye d'edat cretacia y la prefiguran los plegos d'orientación betica, SO-NE, prolongacions de las sierras Gallinera y Mustalla. En la primera d'ellas bi ha las alturas mes grans: Covatelles (365 msnm), tozal Gros (293 m), Cavall Bernat (206 m) y penya de l'Àguila (170 m), en la segunda, en lo cabo meridional, destacan la loma d'Enmig (238 m) y Penyalba (154 m).

La zona central, entre la montanya y la costa, ye forma por un plan cuaternario fruito d'una sedimentación de materials erosionaus y carriaus por las auguas, la mes gran part de los sedimentos, sobre tot los ocupaus hué por la huerta corresponden a lo Pleistoceno. A cantos de las zonas paulencas los materials son mes recients, de l'Holoceno. La tercera zona ye encara en fase de desecación y la ocupan los almarchals. Part de lo suyo termin municipal ye adintro de lo Parque Natural de l'Almarchal de Pego-Oliva.