Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Nou Barris (Nueu Vicos en aragonés) ye un districto municipal de Barcelona (Catalunya) situato en a estrimera norte d'a ciudat, entre la sierra de Collserola y l'avenida Meridiana. Actualment se composa de trece vicos: Can Peguera, Canyelles, Ciutat Meridiana, La Guineueta, Porta, Prosperitat, Les Roquetes, Torre Baró, La Trinitat Nova, El Turó de la Peira, Vallbona, Verdum y Vilapicina.

Nou Barris
Districto de Barcelona
A seu d'o districto.A seu d'o districto.
Entidat
 • País
 • Ciudat
Districto
Catalunya
Barcelona
Superficie
 • Total

8.041
Población
 • Total (2021)

173 552 hab.
Carreras prencipals

Parque Central de Nou Barris.

Istos vicos, que en a suya mayoría son situatos en lo que historicament yeran os municipios d'Horta y Sant Andreu de Palomar (y mas tardi de Barcelona), creixioron a lo largo d'o sieglo XX, en especial entre las decadas d'os cincuanta, sisanta y setanta.

Paseyo Pi i Molist.

En 1998 o districto teneba una superficie de 800,2 hectarias y una población de 168.837 habitants, habendo perdito mas de vente mil habitants en poco mas de siet anyadas. En as zaguers anyos, o districto ha tornato a estar una d'as zonas d'acullida d'a cerenya corrient inmigratoria dende lo 2000, debito a lo pre relativament mas baixo d'a vivienda en o districto, transformando la composición etnica y o rete de comercios d'os vicos.

Mientres os anyos 1990, a chiración en educación feita en a decada anterior prencipió a tener efecto, y la cifra de población sin estudios en o districto cayó d'o 26,7% (1991) a lo 23,1% (1996), augmentando espectacularment o numero de tetulatos en educación segundaria y superior. En cuanto a lo conoiximiento d'o catalán, a meyatos d'a decada ya lo entendeba o 92,8% d'a población, y dos tercios lo podeban fablar.

Politicament, o districto vivió una cerenya actividat menata per os ligallos de vecíns mientres tot o franquismo, en respuesta a lo urbanismo espachinato y os desequilibrios d'o desembolico d'os sisanta y setanta. Mientres a democracia, o districto ha estato un granero de votos socialistas, superando por un regular mas d'o cincuanta per ciento d'os sufrachios.

O nombre d'o districto se dió en l'anyo 1984 cuan o Concello de Barcelona hemologó una nueva división territorial d'a ciudat, emplegando la denominación d'a revista d'o primer ligallo de vecíns d'a zona a prencipios d'as anyos setanta. Se da lo feito de que una parti impotant de Nou Barris yera dentro de l'antigo Districte 9, chuntament con parti de l'actual Sant Andreu.

Una d'as construccions mas antigas d'o districto se corresponde a l'antigo Hespital Mental d'a Santa Creu i Sant Pau, l'actual seu d'o districto. Formó parti d'o prochecto medico d'o Dr. Pi i Molist y o prochecto d'arquitectura hespitalaria de l'arquitecto Josep Oriol Bernadet (1811-1860). A propuesta se presentó en 1859, anque no se construirá dica l'anyo 1888. En 1960 se vendió y escachó a metat de l'edificio debito a la especulación urbana, anque lo hespital mental continó operativo dica la decada de 1990. En l'actualidat, l'edificio ye en emplego per o Archivo Monecipal d'o Districto de Nou Barris, o Consello Monecipal d'o Districto de Nou Barris y la Biblioteca Popular de Nou Barris, una d'as mas grans d'a ciudát.

Esporte editar