Abrir menú principal

Neton ye una divinidat guerrera que recibiba culto en l'antiga Hispania, sobre tot en arias indoeuropeas. En a interpretatio romana fue asimilato a Marte. Se'n tien conoixencia por inscripcions en as que trobamos diferents variants d'o nombre y por a mención de Macrobio sobre os antigos accitani (habitants de Guadix).

Accitani etiam, Hispana gens, simulacrum Martis radiis ornatum maxima religione celebrant, Neton uocantes

En una ara procedent de Conimbriga y actualment desapareixita Barboza Canaes trobó en 1815 a parabra Neto. En unatra de Trujillo se documenta a parabra Netoni Deo.

En o bronze de Botorrita se puet leyer a parabra Neito, y beluns la interpretan como un teonimo.

Martín Almagro Gorbea trobó escrito Niethos en un grafito en alfabeto griego arcaico, gravato sobre un vaso griego calendato entre os anyos 590 y 570/560 aC procedent de Huelva.

Posible culto en l'aria ibericaEditar

En o monumento de Binéfar, Antonio Beltrán Martínez podió leyer "neitin", y esta parabra tamién s'ha documentato en o chacimiento d'Ullastret (provincia de Chirona). Neitin se puet interpretar como un teonimo, pero no ye seguro, y podría estar una formula funeraria u un antroponimo.

Posibles correspondencias fuera d'a peninsula iberica y PireneusEditar

En a literatura mitolochica medieval irlandesa se troba un Tuatha de Dannam dito Neith, que por o nombre poderba estar una variant u un doblet d'atro dito Nuada, con més papel en a mitolochía y relacionato con a función guerrera.

BibliografíaEditar

  • José María Blázquez. "Diccionario de las Religiones Prerromanas de Hispania". 1975.
  • José María Blazquez. "Últimas aportaciones a las religiones prerromanas de Hispania. Teónimos I"
  • María Rosario Lucas. "Santuarios y Dioses en la Baja Época Ibérica. La Baja Época de la Cultura Ibérica." Asociación Española de Amigos de la Arqueología. 1979.
  • Juan Parellada. "El origen de los Vascos" (título original: "La lumiere vint-elle d´Occident?") 1978.

Vinclos externosEditar