Nacionalismo asturiano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O nacionalismo asturiano ye un movimiento politico y social que se da en Asturias dimpués d'o franquismo y que considera Asturias como una nación y reclama os dreitos que tien como tal, como lo dreito d'autodeterminación. O nacionalismo asturiano tradicionalment ye de chuchas. A esfensa d'a cultura asturiana, mas que mas a luenga, ye un d'os suyos focos. Tien os suyos inicios en o colectivo Conceyu Bable y o primer partiu politico nacionalista estió lo Conceyu Nacionalista Astur en 1976, en zaguerías d'o franquismo.

En Asturias, anque no ye un fenomeno tan enrradigato como en os casos d'o nacionalismo catalán u o basco, lo nacionalismo tien presencia en a politica d'Asturias, anque mas a un ran de movimiento social que d'elemento con una gran representación en as institucions politicas asturianas.

A tamas d'iste menor enrradigamiento d'o nacionalismo, Asturias ha vivito cuantas etapas de sobiranía política, mientres o Reino d'Asturias entre os anyos 718 y 925, a declaración de sobiranía d'a Chunta Cheneral de 1808, y o Consello Soberano d'Asturias y Leyón de 1937.