Museu d'o Gravau de Goya
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Museu d'o Gravau de Goya | |
|---|---|
 | |
| Situación | |
| Coordenatas | {{{Coordenadas}}} |
| País |  Aragón
|
| Ciudat | Fuent de Todos |
| Información cheneral | |
| Tipo | {{{Tipo}}} |
| Director | Elisa Picazo Verdejo |
| Construcción | s. XVIII |
| Debantadera | 1989 |
| Superficie | |
| Horario | - 11:00-14:00 y 16:00-19:00 (martes a domingo) - Luns trancau |
| Vesitants | |
| Adreza | C/ Zuloaga, 3 50142 Fuent de Todos |
| Telefono | 976143895 |
| Pachina web | Museu d'o Gravau de Goya |
O Museu d'o Gravau de Goya ye un museu que se troba en a localidat de Fuent de Todos (Campo de Belchit) y que fue devantau en 1989 en una casa tradicional esviellada ta ixe uso.
L'edificio editar
A casa ye un edificio tradicional aragonés con tres plantas: a baixa compuesta de dentrada, cocina, cuadra y un siestro chicot con pozo; a primera planta que tién cuatre posientos, y a falsa, que estió un antigo graner. Cuan a casa fue esviellada ta ser un museu, se decidió conservar o suyo tarabidau y tipolochía. Por ixo os elementos prencipals como as escaleras fuoron esvielladas y solo as parez fuoron espaldadas por motius de funcionalidat.
Historia editar
En os anyos 80 bels pintors mercoron as suyas obras con l'obchectivo de financiar a creyación de un museu de Goya en Fuent de Todos con l'adquisición de dos coleccions de gravaus. Asinas, a Deputación Provincial de Zaragoza y o Concello de Fuent de Todos decidioron a merca de una casa antiga d'a carrera Zuloaga, muito circa d'a casa natal d'o pintor; y fue esviellada dica a suya devantada en o mes d'abril de 1989 como Museu d'o Gravau, con as coleccions d'os gravaus de Francisco de Goya.
Coleccions editar
Hue se troban en o museu as cuatre coleccions d'os gravaus d'o pintor aragonés, as cuals son a parti mas important d'o museu[1]. Istas coleccions son as siguient:
- Os Caprichos: creyaus entre 1797 y 1799 ye una colección de 80 estampas an Goya critica os vicios y as malas costumbres d'a sociedat de l'epoca.
- As esferras d'a guerra: 82 estampas sobre as esferras d'a guerra d'a independencia espanyola, feitas entre 1810 y 1815 con un estilo totalment nuevo en a historia de l'arte.
- A Tauromaquia: una serie de 40 estampas feita en 1815 sobre as corridas de toros, espectaclo miuto popular en ixa epoca.
- Disparates: a zaguer colección d'as cuatre series de gravaus, fue feita entre 1816 y 1824 con 22 estampas muito dificils de replecar.