Moria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

En a ficción de J.R.R. Tolkien, Moria, tamién clamau Khazad-dûm, ye un antigo complexo subterranio en a Tierra Meya, que comprende una vasta ret laberintica de túnels, cameras, menas y corredors baixo as Montanyas Nubles, con puertas tanto en o ueste como en os costaus orientals d'a cordelera. Moria se presenta en a novela de Tolkien O Hobbit, y ye una escena d'acción important en O Sinyor d'os Aniellos.

En gran parti d'a historia ficticia d'a Tierra Meya, Moria estió a ciudat mas gran d'os Nanos. A riqueza d'a ciudat se basaba en as suyas menas, que produciban mithril, un metal ficticio de gran polideza y resistencia, adecuau pa armaduras. Os Nanos cavoron masiau fundo, angluciosos de mithril, y perturbaron a un demonio de gran poder: un Balrog, que destruyió lo suyo reino. En zaguerías d'a Tercera Edat, os Nanos heban albandonau Moria mientres muito tiempo y yera un puesto de mala reputación. Yera fosco, en un perigloso malmetimiento, y en os suyos laberintos aguaitaban Orcos y Balrog.