Morería de Zaragoza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A morería de Zaragoza yera lo barrio an habitaban os musulmans dimpués d'a conquiesta cristiana d'a ciudat per Alifonso I d'Aragón en 1118.

Historia

Antis d'a conquiesta de Zaragoza per Alifonso I astí se trobaba lo barrio de pelaires ("al-Dabbagin"). A primers d'o sieglo XIV pasó a formar parte d'o sinyoría de Pietro d'Ayerbe. En 1300 teneba 202 fuegos y en 1496 contaba con 120 fuegos.^[1] En o estiu de 1610 se decretó la expulsión de toz os moriscos aragoneses. A mayoría se marchó enta Tunicia.

Descripción

A carrera Azoque, prencipal carrera d'a morería de Zaragoza

A morería yera deseparada d'a resta d'a ciudat per un muro d'adoba. Dos puertas o comunicaban con a ciudat cristiana: la puerta d'a Meca y unatra que se devantaba an yera lo desapareixiu arco de Sant Roque.

Plazas y carreras

As siguients plazas y carreras yeran en a morería.^[2]

Plaza d'Alfondiga: correspondeba parcialment con l'actual Plaza Salamero y yera lo centro d'a morería. Astí se trobaba la "Alfondiga" (en arabe "al-funduq") u hostal d'os moros, a carnezería, lo zoco u mercau (en arabe "al-suq"), l'alcaicería u mercau de mercaderías valurosas (en arabe "al-qaysariyya") y la mesquita mayor.
Plaza de Meliz: en l'actual plaza de Sant Lamberto.
Carrera d'a Morería cerrada: actual carrera Valenzuela.
Carrera Pertollas.
Plaza de Trebedes.
Carrera Azoque: que yera la carrera prencipal d'a morería.

Mesquitas

I heba tres mesquitas.^[3]

Mesquita Mayor: an se celebraban as chuntas d'alchama.
Mesquita de Pertollas.
Mesquita Viella.

Fosal

O fosal yera en o solar d'o futuro Convento d'o Carmen dica que en 1337 se tresladó amán d'a puerta d'el Portiello.

Restas

Lo unico que queda d'a morería ye lo suyo nombre y lo suyo trazau d'a carrera Azoque.

Galería

Carrera Valenzuela, d'antis mas carrera d'a Morería cerrada
Plaza de Sant Lamberto, d'antis más plaza de Meliz
Carrera de la Morería
Cartel d'a carrera de la Morería

Referencias

↑ (es) "La morería de Zaragoza en el siglo XV", Germán Navarro Espinach, XI Simposio Internacional de Mudejarismo, 2009, ISBN 978-84-96053-41-0, p.749
↑ (es) "Los nombres de las calles de Zaragoza en el siglo XV (Toponimía urbana)", Gaudioso Giménez Resano, Archivo de filología aragonesa, 1984, n° 34-35, p.585
↑ (es) "Zaragoza en el siglo XV", María Isabel Falcón Pérez, Institución "Fernando el Católico", 1981, p.69

Datos: Q65393928

[1] (es) "La morería de Zaragoza en el siglo XV", Germán Navarro Espinach, XI Simposio Internacional de Mudejarismo, 2009, ISBN 978-84-96053-41-0, p.749

[2] (es) "Los nombres de las calles de Zaragoza en el siglo XV (Toponimía urbana)", Gaudioso Giménez Resano, Archivo de filología aragonesa, 1984, n° 34-35, p.585

[3] (es) "Zaragoza en el siglo XV", María Isabel Falcón Pérez, Institución "Fernando el Católico", 1981, p.69

[1]

[2]

[3]