Miki Nadal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Miki Nadal
Miki Nadal
Información personal
Calendata de naixencia	29 de setiembre de 1967
Puesto de naixencia	Zaragoza, Aragón
Ocupación	Actor y presentador de televisión

Miguel Nadal Furriel (Zaragoza, 29 de setiembre de 1967) u mas a sobén dito Miki Nadal, ye un actor aragonés conoixito por colaborar en muitos programas de televisión y de radio.

Biografía

Estudió a carrera de Dreito encara que la dixó a metat ta fer o servicio militar, primero en Ferrol y dimpués en Madrit, a on se quedó ta ser actor. Prencipió en o programa de Pepe Navarro, La sonrisa del pelícano en 1997. Astí conoixió a Florentino Fernández de qui se fació un gran amigo y con qui gosó compartir piso un tiempo.

Dentró a fer parti de l'equipo d'El Informal en l'anyo 1999, en a segunda temporada d'o programa. A lo prencipio feba la faina de doblache de secuencias chunto a Florentino Fernández, pero amoniquet fue ganando protagonismo dica convertir-se en una persona mas d'o programa, que duró dica abril de 2002. Mesmament en El Informal conoixió a la suya companyera de treballo, Patricia Conde, con qui treballó en o programa de Sé lo que hicisteis....

Ha treballato en El Informal, La corriente alterna, El show de Flo, UHF, Splunge, Mis adorables vecinos, El club de la comedia, Zulú Bingo, Los Irrepetibles de Amstel, Cafetería Manhattan, Sé lo que hicisteis... y tenió un programa de concurso dito No sabe, no contesta en La Sexta. Actualment y dende o 2013 colabora en o programa Zapeando, d'a mesma cadena. Ha aparexito como convidato en series como Casi Perfectos chunto con Emilio Aragón y 7 vidas, con Florentino Fernández.

Vinclos externos

• (en) Miki Nadal en IMDb.

• Datos: Q3321329
• Multimedia: Miki Nadal / Q3321329