Michel Teló

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Michel Teló
Michel Teló
Información personal
Nombre	Michel Teló
Embotada
Naixió	21 de chinero de 1981 Medianeira, Paraná
Murió
Información musical
Orichen
Estilo	Musica sertaneja, pop
Ocupancia	{{{Ocupancia}}}
Instrumentos	Cantaire
Tiempo
Discograficas	Som Livre
Relacionau con
Pachina web	Pachina oficial

Michel Teló (Medianeira, Paraná, o 21 de chinero de 1981) ye un cantaire y compositor brasilero. Fació parti de dos grupos. Estió en o Grupo Tradição a on cantó exitos: «Barquinho», «O Caldeirão», «Pra Sempre Minha Vida», «A Brasileira» y «Eu Quero Você», encara que se fació famoso en tot o mundo gracias a o suyo tema «Ai se eu te pego», en a suya carrera como solista.

Biografía

Michel Teló

Teló ha adedicato a suya vida a la musica dende bien choven. A suya carrera artistica prencipia en 1989, cuan a la edat de ueito anyos fació o suyo primer solo en o coro d'a suya escuela, cantando "My querido viejo, mi amigo", una pieza de Roberto Carlos y Eramos Carlos. A la edat de 12 anyos, Teló s'unió a lo grupo "Grupo Guri", estando vocalista. Amás d'a suya pasión por l'harmonica, Michel dió clases de piano mientres cinco anyos.

Chugó en l'Avaí FC en l'anyo 2000, estando maximo goleyador d'o torneyo Carioca d'ixe anyo con 11 gols. Dimpués d'o suyo curto paso por l'equipo, decidió adedicar-se de pleno a la musica, mientres se ganaba a vida como cambrero en as tabiernas, dica que se mercó a suya primera guitarra.

1994-2010: comencipios musicals

A suya canción "Ei, Psiu! Beijo Me Liga" estió un gran exito en 2009. Amás d'ista, tamién estió un gran exito a canción "Fugidinha", obra de Rodriguinho y Tiaguinho, integrants d'un grupo brasilero de pagode orichinario de São Paulo: Exaltasamba. A versión de "Fugidinha" que interpreta Michel Teló estió un gran exito en un programa de televisión brasilero, conoixito por o nombre de O Melhor do Brasil en a canal Rede Record, y fació parti, mientres dos anyos consecutivos, d'a banda sonora d'a telenovela chovenil "Malhação", en a canal Rede Globo.

2011-present: exito internacional

Tanyendo l'acordión

En o reality show Big Brother Brasil 11, transmitito en o día 16 de marzo de 2011, Michel Teló participó en a fiesta titulata Sertanejo Universitário, en a que tamién yeran João Bosco & Vinícius y Fernando & Sorocaba.

En 2011 a suya canción «Ai se eu te pego» se fa famosa difuera de Brasil, gracias a un baile que gravó Neymar en o vestuario d'o Santos Futebol Clube, a celebración d'un gol de Cristiano Ronaldo y Marcelo, futbolistas d'o Real Madrid, en o estadio La Rosaleda d'o Málaga C. F., y o baile d'Alexandre Pato, Robinho y Thiago Silva en l'autobus de l'A.C. Milan. Amás, prencipió l'anyo 2012 estando a canción mas popular en tot o mundo seguntes Spotify.

En chinero de 2012, s'engueró a versión en anglés d'iste tema titulata «If i catch you», chunto a o suyo videoclip promocional.

Discografía

Michel Teló tanyendo a guitarra acustica.

Albums

• 2009: Balada Sertaneja

En dreito

• 2010: Michel Teló - Ao Vivo
• 2011: Michel na Balada

Singles

• 2009: "Ei, psiu! Beijo, me liga"
• 2010: "Amanhã sei lá"
• 2010: "Fugidinha"
• 2011: "Se intrometeu"
• 2011: "Larga de Bobeira"
• 2011: "Ai se eu te pego!"
• 2011: "Eu te amo e Open Bar"
• 2012: "If I Catch You"

Featured in

• 2010: "Alô" (Léo & Junior feat. Michel Teló)