Mauricio I

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Mauricio I
Emperador de l'Imperio Bizantín
Solido bizantín de Mauricio I
Emperador de l'Imperio Bizantín
582 - 602
Predecesor	Tiberio II
Succesor	Focas I
Nombre real	Flavio Mauricio Tiberio
Naixencia	539
Muerte	27 de noviembre de 602
Descendencia	Dinastía chustiniana

Mauricio naixito en 539 d'en Arabissus (Capadocia) y muerto o 27 de noviembre de 602, estió emperador de l'Imperio Romano d'Orient dende o 13 d'agosto de 582 dica a suya muerte en l'anyo 602.

L'emperador Mauricio a fins d'o sieglo VI prebó una contraofensiva més allá d'o Danubio y forachitar a los eslaus ya establitos en os Balcans, pero a penetración d'os eslaus ya yera irreversible y los eslaus s'establiban ya tan a lo sud como Macedonya y Tesalonica enta l'anyo 600, y aprendeban tecnicas de piratería y saqueyo navals a bordo de monoxilos. A campanya de l'anyo 601 de Mauricio estió un fracaso y fue enchaquia d'a suya caita.

As dificultatz de l'exercito bizantín en a campanya contra os eslaus son mencionatas en a "Grant Cronica de Espanya":

la q(u)al cosa (con)tecio assi q(ue) como el ex(er)citu roma(n)o huuies passado el denubio & fues (con)strenydo por gra(n)t fambre & no(n) pudies au(er) p(ro)uisio(n) d(e)las guarnizo(n)es comunes / ni haun pudies au(er) suste(n)tacio(n) d(e)las imp(er)iales largicio(n)es / co(n)uino alos cauall(er)os co(n) grant periglo q(ue) ç(er)casse(n) deq(ue) uiuir d(e)la regio(n) d(e)los esclauos. finalm(en)t por aq(ue)lla & ot(r)as razones mouidos los cauall(er)os d(e)l ex(er)citu passaro(n) el danubio & retornaro(n) se d(e)la esclauonia. do la ora era el ex(er)citu. & q(u)ando fuero(n) a .vij. millas de (con)sta(n)ti(n)oble los cauall(er)os (con)u(er)tidos e(n) sedicio(n) (con)stituyero(n) emp(er)ador a huno clamado foca. & uestiero(n) le la purpura imperial. el imp(er)io d(e)l q(u)al el se(n)ado ap(ro)uo. ap(re)s mauricio lexado la honor imp(er)ial & mudado el habito una noche secretam(en)t fuyo co(n)la mull(e)r & co(n)los fijos a .ja. ysla. la q(u)al se dize q(ue) es c'(er)ca calçedonia.

En o "Libro de los Emperadors" lo nombran breument, quan parlan d'una corona:

e aquel día la emperadriç ensemble con su fillo triunfalment e con su gran companyía de gentes fue a la iglesia e priso la corona que havía offierto a la glesia Mauricio emperador en su tiempo. La emperadriç, por cupdicia que havía de haver la dita corona, levola de la glesia, e assí como pa puso en la cabeça, en continent la priso con grant fiebre que la sacó de aquesti mundo. La cual corona tornada a la dita esgleya más guarnida de perlas e de piedras preciosas que antes no era.

Predecesor: Tiberio II

Emperador de l'Imperio Bizantín 582-602

Succesor: Focas