Masturbación

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A masturbación ye a estimulación d'os organos chenitals pa obtener placer sexual, podendo plegar u no a l'orgasmo. A masturbación se puede practicar un mesmo, en solitario u como estimulación realizada sobre os chenitals d'unatra persona con as mesmas fins placenteros, como que ocurre en a masturbación mutua.

Masturbación masculina.

Masturbación femenina.

A masturbación gosa efectuar-se con as mans u por meyo d'o estregamiento d'os chenitals contra un obchecto adecuau, como que os clamaus chuguez sexuals, pa obtener iste tipo d'excitación.

Etimolochía

A parola masturbación promana d'o verbo latino masturbari que ye d'orichen incierto. I hai teorías que suchieren que proviene d'una parola emplegada pa pene, *mazdo, afín a o griego mézea μέζεα, "chenitals", u alternativament una corrupción d'un *manusturpare ("contaminar con a man"), por asociación con turbare "emprenyar".