Maser (de l'anglés microwave amplification by stimulated emission of radiation) ye un dispositivo que produz ondas electromagneticas coherents por meyo d'amplificación por emisión estimulada. O primer maser estió construiu por Charles H. Townes, James P. Gordon y Herbert J. Zeiger en a Universidat de Columbia en 1953. Townes, Nikolay Basov y Alexander Prokhorov recibioron o Premio Nobel de Fisica de 1964 por o suyo treballo teorico que condució a lo desembolique d'o maser. Os masers s'utilizan como dispositivo de cronometrache en reloches atomicos y como amplificadors de microondas de rudio extremadament baixo en radiotelescopios y estacions terrestres de comunicación de naus espacials leixanas.

Un maser de hidrochén de un reloch atomico que produz radiación de microondas a 1,42 GHz emplegando hidrochén.

Os masers modernos pueden disenyar-se pa chenerar ondas electromagneticas no solament en freqüencias de microondas, sino tamién en freqüencias de radio y infrarroyos.

O laser funciona con o mesmo prencipio que o máser, pero produz una radiación coherent de freqüencia mas alta en longarias d'onda visibles. O maser estió o precursor d'o laser asinas que iste zaguer plegó a denominar-se por bell tiempo maser optico.

Se veiga tamiénEditar