Margalida Prohens Rigo
| Margalida Prohens Rigo | |
|---|---|
 Margalida Prohens Rigo, en una imachen de 2023. | |
| 7 de chulio de 2023 – En o cargo | |
| Monarca | Felipe VI |
| Gubierno | Prohens |
| Viceprimer ministro | Vicepresident: -Antoni Costa Costa (2023- ) |
| Precediu por | Francina Armengol Socías |
| Succediu por | En o cargo |
| 24 de chulio de 2021 – En o cargo | |
| Precediu por | Gabriel Company Bauzà |
| 18 de chunio de 2015 – 3 d'octubre de 2018 | |
| Precediu por | Mabel Cabrer |
| Succediu por | Gabriel Company Bauzà |
| 21 de mayo de 2019 – 29 de mayo de 2023 | |
| 18 de chunio de 2011 – 21 de mayo de 2019 | |
| President | Francina Armengol Socías |
| 20 de chunio de 2023 – en o cargo | |
| President | Margalida Prohens Rigo |
| Naiximiento | 24 de mayo de 1982 Campos (Migjorn, Islas Balears)
|
| Partiu | Partit Popular de les Illes Balears |
| Conchuche | Javier Bonet (2022- ) |
| Profesión | Politico Traductora |
| Alma Máter | Universidat Pompeu Fabra Universidat de Barcelona |
.svg){kind=small}
Margalida Prohens Rigo (conoixida de vegadas como Marga Prohens), naixida de Campos (Migjorn, Mallorca, Islas Balears) lo 24 de mayo de 1982 ye una politica y traductora balear, militant d'o Partit Popular de les Illes Balears, partiu por o cual ye presidenta d'o Gubierno d'as Islas Balears dende lo 7 de chulio de 2023.
Actividaz previas
editarNaixida d'a localidat de Campos (Migjorn, Mallorca, Islas Balears) lo 24 de mayo de 1982, se licenció en traducción y interpretación por a Universidat Pompeu Fabra de Barcelona, en a especialidat de traducción churidica y churada, completando la suya formación con másters en l'EAE Business School y en a Universidat de Barcelona.
Treballó como traductora en a ONG Intermón Oxfam, en o Club Nàutic Sa Ràpita d'o suyo municipio natal y finalment como mediadora lingüistica en o concello de Palma de Mallorca, la capital d'as Islas Balears.[1]
Vida politica
editarNuevas Generaciones
editarDende muit choven dentró a militar en Nuevas Generaciones del Partido Popular, a sección chovenil d'o Partido Popular, estando dende 2005 dica 2009 la presidenta de l'agrupación local en o suyo municipio natal, pasando dimpués a estar secretaria exevutiva de Coordinación Local en Balears y finalment presidenta adchunta de Nuevas Generaciones de Balears dende 2010 dica 2012.
En as eleccions municipals de l'anyo 2007 se presentó como candidata en as listas d'o Partit Popular de les Illes Balears a lo concello de Campos, ocupando lo zaguer lugar d'a lista y no estando esleyida concellera.[1]
Deputada en o Parlamento d'as Islas Balears
editarEn as eleccions autonomicas de 2011 se presentó en as listas d'o suyo partiu en a posición 11 d'a lista, estando esleyida deputada en a VIII Lechislatura d'o Parlamento d'as Islas Balears, estando reesleyida deputada en as eleccions autonomicas de 2015 ta la suya IX Lechislatura.
Deputada en as Corz Chenerals
editarEn as eleccions chenerals d'abril de 2019 fue esleyida deputada en o Congreso d'os Deputaus en a suya XIII Lechislatura por as Islas Balears, estando reesleyida en as eleccions chenerals de noviembre de 2019 ta la XIV Lechislatura,[2] a on estió la portavoz d'o suyo partiu en afers relativos a igualdat.[3] En todas dos ocasions yera la cabeza de lista d'o Partido Popular por a circumscripción electoral d'as Islas Balears.[1]
Presidenta d'as Islas Balears
editarO 24 de chulio de 2021 fue esleyida presidenta d'o Partit Popular de les Illes Balears en substitución de Gabriel Company Bauzà, estando también nominada por o suyo partiu como candidata a la presidencia d'o Gubierno d'as Islas Balears en as eleccions autonomicas de 2023,[4] En ditas eleccions o suyo partiu estió lo ganador, en obtener 26 deputaus d'os 59 deputaus d'o Parlamento. Dimpués d'un pacto con Vox fue esleyida presidenta en segunda vuelta con os 26 votos favorables d'o suyo partiu, lo voto en contra d'os 25 deputaus d'o Partido Socialista de las Islas Baleares-PSOE y de Més per Mallorca y l'abstención d'os 8 deputaus de Vox, formando un Gubierno Prohens monocolor sin participación (encara que con refirme parlamentario) de Vox.[5]
Referencias
editar- ↑ 1,0 1,1 1,2 (es) Martí Rodríguez: ¿Quién es Marga Prohens, la candidata del PP balear a la presidencia del Govern?, en Onda Cero, 20 de mayo de 2023.
- ↑ (es) Prohens Rigo, Margarita en a web d'o Congreso d'os Deputaus.
- ↑ (es) Las políticas de 40 años que han despuntado en 2023 y que marcarán agenda en 2024, en El Independiente.
- ↑ (es) Guillem Porcel: Marga Prohens, candidata del Partido Popular al Govern: «Estas son las elecciones más decisivas de las últimas décadas», en Diario de Mallorca, 25 de mayo de 2023.
- ↑ (es) Marga Prohens, proclamada presidenta de las Illes Balears, en Público, 6 de chulio de 2023.
Vinclos externos
editar
Se veigan as imáchens de Commons sobre Margalida Prohens Rigo.
