Maratón en os Chuegos Olimpicos de París 1900

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A maratón en os Olimpicos París 1900 estió una cursa que fue parte d'o programa de l'Atletismo en os Chuegos Olimpicos de 1900 y que se fació o 19 de chulio de 1900. En a sortida bi heba 13 atletas de 5 países ta fer una distancia de 40,26 km.

Principio d'a cursa.

En istos Chuegos encara no habió cursa femenina.

Medallero editar

Oro Archent Bronce
  Michel Théato   Émile Champion   Ernst Fast

Formato de competición editar

A cursa se desembolicó con o sistema de final directa con una distancia total d'alto u baixo 40 km. en a que os corredors facioron cuatre vueltas a la pista de 500 metros ta dimpués fer una tombada por as carreras de París y tornar en l'estadio olimpico.

Desembolique d'a cursa editar

O día amaneixió con muito calor, 39 graus celsius cuan principió a cursa. Ta principiar a cursa os corredors facioron cuatre vueltas a la pista de 500 metros y d'antis d'o termín d'a primera vuelta Johan Nyström albandonó a cursa. Bi ha pocas referencias d'o desembolique d'a cursa pero seguntes cualques fuents sembla que o francés Georges Touquet-Daunis fue a capeza d'a cursa dica a meitat, cuan albandonó, o sueco Ernst Fast ocupó o primer lugar en a cursa pero yera ya muito canso y Michel Théato li abanzó ta ganar a cursa con un tiempo de 2h 59' 45", segundó fue Émile Champion y Fast terminó a cursa en o tercer puesto a mas de 40 menutos d'o ganador.

Tiempo dimpués Arthur Newton dició que Michel Théato y Émile Champion aproveitaron a suya conoixencia d'as carreras de París ta fer trampa y ganar por que él no los vió garra vegata y tampoco no li abanzoron. Istas declaracions no coinciden con as referencias que hi hai d'o desembolique d'a cursa y no explanica o tercer puesto de Fast.

Clasificación editar

Puesto Atleta Tiempo
    Michel Théato 2h 59' 45"
    Émile Champion 3h 04' 17"
    Ernst Fast 3h 37' 14"
4   Eugène Besse 4h 00' 43"
5   Arthur Newton 4h 04' 12"
6-7   Dick Grant Desconoixito
  Ronald J. MacDonald Desconoixito
  Auguste Marchais DNF
  E. Ion Pool DNF
  Frederick Randall DNF
  William Saward DNF
  Georges Touquet-Daunis DNF
  Johan Nyström DNF

Vinclos externos editar