Manly Beach

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Manly Beach ye una placha situada en a zona de Northern Beaches en o districto de Manly en Sydney, Australia. Dende norte enta sud se divide en tres sectors prencipals, Queenscliff, North Steyne y South Steyne.

Manly Beach
Barrio de Sydney
Manly Beach
Entidat  • País  • Ciudat  • Aria de gub. local	Barrio Australia Sydney Northern Beaches
Situación de Manly Beach en Sydney

A placha fue nombrada por o capitán Arthur Phillip en referencia a os indichenas que i viviban. Phillip escribió que:

O comportamiento seguro de si mesmo y varonil (en anglés "manly") [d'os indichenas] me fació dar o nombre de Manly Cove a iste puesto.

Dende Manly Beach se puet plegar andando por un camín chunto a la mar dica Fairy Bower y Shelley Beach. Bi ha botigas, restaurants, clubs nocturnos y pubs en iste barrio.

O cuerpo de socorristas de Manly operan mientres tot l'anyo en South Steyne, y nomás d'octubre a abril en North Steyne y Queenscliff. Tamién bi ha un grupo de socorristas voluntarios que i treballan en cabos de semana y vacanzas entre octubre y mayo.

Se puet plegar a Manly dende Sydney con o ferry publico, estando o tiempo d'o viache de 30 minutos dende Circular Quay. Bi ha tamién a opción de fer o trayecto en ferry privau dende Circular Quay a Manly (y tornar) de lunes a viernes. Bi ha dos servicios de ferry privau (tamién ditos os "ferrys rapedos") que fan o viache en nomás 18. The Corso, zona piatonal y una d'as prencipals carreras de Manly ta mercar y chentar, va dende o muelle d'o ferry trescruzando a peninsula dica Manly Beach, marcando a muga entre North Steyne y South Steyne