Man (orografía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo trata sobre a man como acceso cheografico d'as montanyas. Ta atros usos d'a palabra se veiga man (desambigación).

Una man ye o conchunto de faldadas u versants d'una sierra u sarrato que, per a suya disposición formando bella suerte de rengla, trancan uno d'es cantos d'una val. Aintro d'un sentito mes amplo, a palabra man puet usar-se como un sinonimo de versant ta cualsiquier mont u montanya, encara que ista no sía parti de brenca formación.

La Man Pacina, a man d'a sierra d'as Zucas ta la valle Verde. Ye un eixemplo de toponimo a on man se-bi fa patent.

Polisemia d'a palabra man

Modernament, a palabra man ha plegato altros significatos mes difusos, estando emplegata d'habitual ta muitas atras cosas fuera d'a descripción cheografica. Asinas, en aragonés se diz man también d'os cantos ocultos d'os puestos (A man de zaga d'a casa), d'os conchuntos de fincas que perteneixen t'a mesma persona u familia (Allá en a man de (Casa) Chorche) u que están agrupatas en o mesmo puesto (a man d'o Cosinyor). No ye difícil d'imachinar que toz ixes significatos vienen directament d'o sentito cheografico d'a palabra.

Atros significatos que no son tan amanatos a ixe sentito son talment mes metaforicos; Una man de güellas (muitas güellas chuntas, ye como decir "un montón de"), también emplegada ta elementos incontables: Una man de grano.