Malcesine

Malcesine (Malsésen en idioma venecián) ye un lugar de 3674 habitants d'a provincia de Verona, en o Veneto, Italia, que ye situau a la marguina d'o laco de Garda.

Malcesine Malsésen
Localidat d'Italia
Ambista de Malcesine dende o castiello Scaligero.
Estato  • Rechión  • Provincia	Italia Veneto Verona
Superficie	69,29 km²
Población  • Total  • Densidat	3674 hab. 53,02 hab/km²
Altaria	89 m.
Codigo postal	37010, 37018
Coordenatas
Malcesine Situación de Malcesine en Italia

Cheografía

Situau a canto d'o laco de Garda a los pietz d'o mont Baldo (2218 metros), Malcesine ha estau aislau entre sieglos per tierra, estando per medio d'o laco lo suyo solo acceso. En o suyo territorio fluye lo considerau río mas curto d'o mundo: lo río "Aril" con una longaria de tant solo 175 metros. Dos d'as mayors islas d'o laco de Garda son situadas astí: la "isola di sogno" y la "isola dell'olivo".

Clima

Os hibiernos son fredos con minimas de -9 y maximas de 5 graus. Os estius son calurosos que son aliviaus per los dos aires prencipals que bufan: lOra (que bufa de norte a sud) y lo Pelèr que bufa en sentiu opuesto.

Toponimía

O nombre de Malcesine se creye que proviene d'o latín "Mala silex" con o significau de "Piedra hostíl". A lo largo d'os sieglos atros nombres s'han documentau: Manascicines (932), Malesicine (1023), Malesisicis (1154), Malesisinum (1159), Malasilice (1225), Malsexeno (1422) y Malsesene (1611).

Alcaldes

Lista d'alcaldes democraticos:

Lechislatura	Nombre	Partito politico
2019-hue	Giuseppe Lombardi	Lista civica

Puestos d'intres

• Ilesia de Sant Estevan ("Pieve di S.Stefano"), ilesia construyida en o sieglo VIII pa substituyir a un templo pagano dedicau a "Iside".
• "Palazzo dei capitani"
• "Castiello Scaligero"