Luengas araucanas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As luengas araucanas son parlatas per os mapuche en o Sud d'America d'o Sud (en a parte central de Chile y centro-occidental d'Archentina) per cuasi meyo millón de personas.

Iste grupo u familia ye formato en l'actualidat que per dos luengas:

• o mapudungun, mapudungu u mapuche
• o huiliche, huilliche u veliche

A mayoría de lingüistas, manimenos, considera o huiliche una variedat meridional d'o mapudungun, con grans diverchencias respective a lo mapudungun central u cheneral. O mapudungun ye asinas visto como una luenga aislata.

A filiación d'as luengas araucanas no ye pas clara, anque lingüistas como Englert u Tovar la sitúan en o grupo andino d'as luengas amerindias d'America d'o Sud, emparentatas de luent con as luengas quechuas y aymara; belaltras clasificacions encara mes especificas sitúan as luengas araucanas como subfamilia d'una familia araucano-chon que perteneixerba a lo debantdito grupo andino. Poderba, pues, no tratar-se d'una familia aislata.