Lover Come Back (cinta de 1961)
- Iste articlo ye sobre una cinta estausunidense de comedia romantica; ta atros usos, se veiga Lover Come Back y Lover Come Back (cinta).
.svg){kind=small}
Lover Come Back (títol orichinal en anglés, en aragonés L'amant que torna, enguerada en Aragón con o títol en castellano de Pijama para dos, en aragonés Pichama ta dos) ye una cinta de cine estausunidense de cine de comedia romantica enguerada l'anyo 1961, dirichida por Delbert Mann seguntes un guión orichinal de Stanley Shapiro y Paul Henning, con una banda sonora orichinal de Frank De Vol, una dirección de fotografía d'Arthur E. Arling, una producción cinematografica de Robert Arthur, Martin Melcher y Stanley Shapiro ta las productoras 7 Pictures, Nob Hill Productions Inc. y Arwin Productions, y on un elenco d'actors formau, entre d'atros, por Rock Hudson, Doris Day, Tony Randall, Edie Adams, Jack Oakie, Jack Kruschen, Ann B. Davis, Joe Flynn, Howard St. John, Karen Norris, Jack Albertson, Charles Watts, Donna Douglas y JoAnne Ludden-Paige.
Jerry Webster ye un executivo d'una achencia publicitaria de Nueva York con a-saber-lo d'exito, basau en conseguir os suyos contractos organizando borinas ta los duenyos d'as interpresas que buscan una achencia publicitaria y conseguindo-les citas con mullers atractivas. Bel día li roba, fendo servir ixas tecnicas, un important contracto a Carol Templeton, qui treballa en una atra achencia publicitaria, y ista decide denunciar-lo debant de l'Ad Council, o consello regulador d'a publicidat en os Estaus Unius. Recurrindo a la suya tecnica habitual, Jerry ninvía a testificar a una mesacha bien atractiva que consigue embelesar a los miembros d'xe comité, paralizando la denuncia. Tanimientres, Jerry li heba prometiu a la mesacha estar a protagonista d'una important campanya publicitaria como modelo, y ha organizau una sesión de grabacions con ella anunciando VIP, un producto inexistent. Lo suyo obchectivo yera nomás que enganyar-la, pero su chefe creye que ha ixuplidau fer a campanya publicitaria y fa que os spots publicitarios de VIP s'emitan por todas as cadenas de televisión. Ta evitar una nueva denuncia por fer publicidat d'un producto inexistent, Jerry se veye obligau a buscar un quimico ta que elabore bel producto que pueda vender-se con o nombre de VIP. Cuan Carol lo descubre, decide explicar a situación a lo quimico ta evitar-lo, pero cuan troba a lo quimico, lo trafuca con Jerry, y ye asinas a Jerry a qui quiere convencer. Iste s'aproveita d'a situación y aparenta estar un quimico timido, conseguindo encantuchar-la, amás de conseguir dar tiempo a lo quimico ta que elabore lo producto. Cuan Carol presenta la suya nueva denuncia, Jerry consigue presentar o producto que ha elaborau lo quimico: unas galletas que en realidat son alcol cuasi que puro. Cuan las preban en Ad Council, toz s'enferian, incluyius Jerry y Carol. Cuan toz dos dispertan, chuntos en o mesmo leito d'un hotel, descubren que s'han casau.
A cinta s'ambienta en a suya epoca actual (1961) en a ciudat de Nueva York, y las suyas escenas se filmoron en os Universal Studios en Universal City en California.[2]
Lover Come Back ye una cinta que ha recibiu bels premios y nominacions, en destacando una nominación a los Premios Oscar en a suya 34ena edición a lo Millor Guión Orichinal y una nominación a los Premios Globos d'Oro en a suya 19ena edición a lo Millor Actor Segundario.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 (en) Enguero de Lover Come Back en Internet Movie Database.
- ↑ (en) Localizacions de Lover Come Back en Internet Movie Database.
- ↑ (en) Lover Come Back en Internet Movie Database.
Datos: Q1305072
Multimedia: Lover Come Back / Q1305072
