Los guardiamarinas
Los guardiamarinas (títol orichinal en castellano, en aragonés Os guardiamatinas, enguerada en Aragón con o suyo títol orichinal) ye una cinta de cine espanyol de cine de comedia enguerada l'anyo 1967, dirichida por Pedro Lazaga seguntes un guión orichinal de Pedro Masó, Vicente Coello y Rafael J. Salvia, con una banda sonora orichinal d'Antón García Abril, una dirección de fotografía de Juan Mariné y una producción cinematografica de Pedro Masó y Vicente Coello ta las productoras Pedro Masó Producciones Cinematográficas y Filmayer. De l'elenco d'actors d'a cinta en fan parte, en os suyos papels principals, Alberto de Mendoza, Julia Gutiérrez Caba, José Luis López Vázquez, Pepe Rubio, Paloma Valdés, Manuel Zarzo, Alfredo Landa, Andrés Mejuto, Emilio Gutiérrez Caba, José Marco Davó, Manuel Manzaneque, David Areu, Carlos Mendy, Carlos Vasallo, Alfredo Santacruz, Beni Deus, Mari Carmen Yepes, Luis Varela, María Duval, Jesús Guzmán, Maribel Sáez, Francisco Dumont, Julio Navarro, Ana Carvajal, José Sepúlveda, Vicente Sangiovanni y Francisco Camoiras.
Carlos Torres ye un comandant que torna d'un viache por a mar en o Juan Sebastián de Elcano, o buque-escuela de l'Armada espanyola. Mientres o suyo viache ha naixiu un fillo suyo y su muller, que ya no se veye capable de soportar a soledat d'a muller d'un marino, li diz que demane un destín en Madrit, a on i vive la suya familia y a on lo comandant puet treballar en una oficina d'o Ministerio. Transitoriament, li encomanan l'adiestramiento d'una promoción de guardiamarinas en a Escuela Naval en Marín, encara que tamién será a lo cudiau d'os veteranos, entre los cuals bi ha Miguel Montero, un choven completament dedicau a l'estudio, y la suya contrapartida, Enrique Andrade, fillo d'un marino militar pero que no troba satisfacción en a vida castrense y prefiere dedicar-se a parrandiar.
A cinta s'ambienta en Marín (Pontevedra, Galicia) en a epoca actual d'a cinta (1967) y las suyas escenas se filmoron en ixa mesma localidat y en Barcelona, Cádiz, Pontevedra y Vigo.[2]
Los guardiamarinas recibió tres Premios d'o Sindicato Nacional del Espectáculo, a la Millor Cinta, Millor Actor Segundario y Millor Fotografía.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q101209840
