Lidar (de l'anglés Light Detection and Ranging o Laser Imaging Detection and Ranging, orichinariament Light radar) ye un metodo pa medir distancias iluminando l'obchectivo con luz laser y medindo a suya reflexión con un sensor. As diferencias en os tiempos de retorno d'o laser y as longarias d'onda se pueden utilizar pa fer representacions dichitals en 3D de l'obchectivo.

Un lidar estando emplegau en o Starfire Optical Range.

O lidar s'usa comunament pa fer mapas d'alta resolución, con aplicacions en topografía, arqueolochía, cheografía, cheolochía, sismolochía, silvicultura, fisica atmosferica, guía laser y altimetría laser. A tecnolochía tamién s'utiliza en o control y a navegación de qualques vehíclos autonomos.