Laws of Attraction
.svg){kind=small}
Laws of Attraction (títol orichial en anglés, en aragonés Leis d'atracción, enguerada en Aragón con o títol en castellano de Hasta que la ley nos separe, en aragonés Dica que la lei mos desepare) ye una cinta de cine de comedia romantica y de chudicios coproducida por o cine irlandés, o cine britanico, lo cine alemán y lo cine estausunidense enguerada l'anyo 2004, dirichida por Peter Howitt seguntes un guión adaptau por Robert Harling y Aline Brosh McKenna (basau en una historia d'ista zaguera), con una banda sonora orichinal d'Edward Shearmur, una dirección de fotografía d'Adrian Biddle y una producción cinematografica de David Bergstein, Julie Durk, David T. Friendly, Marc Turtletaub y Beau St. Clair ta las productoras Mobius Pictures, Intermedia Productions, Deep River Productions, Irish DreamTime y Initial Entertainment Group. De l'elenco d'a cinta fan parte, entre d'atros actors, Pierce Brosnan, Julianne Moore, Parker Posey, Michael Sheen, Frances Fisher, Nora Dunn, Mike Doyle, Allan Houston, Johnny Myers, Heather Ann Nurnberg, Brette Taylor y Sara Gilbert.
Audrey Woods ye una avogada de Nueva York especializada en esvurcios, estando la millor avogada d'a ciudat en ixa especialidat. En uno d'os suyos chudicios, l'avogau contrario ye Daniel Rafferty, en o que ella creye erroniament que ye lo suyo primer chudicio en a ciudat. Son de mentalidaz bien diferents: Audrey sigue estrictament as normas, pero Daniel se guía siempre por a suya intuición y ye mui anarquico. Garra d'os dos no ha perdiu mai un chudicio important, asinas que iste serña lo primero ta un d'éls, y qui finalment pierde por as trapazas de Daniel ye Audrey, prencipiando asinas una rvalidat entre toz dos en cuantos chudicios. Un día Audrey descubre que Thorne Jamison, una conoixida estrela de musica rock, enganya a su muller, y li proposa a ista estar la suya avogada en o esvurcio, pero Serena, una conoixida disenyadora de moda, prefiere contractar a Daniel. Como yera d'asperar, Audrey s'ufre como avogada a Thorne, qui l'accepta. Como un d'os puntosprincipals de discusuón en o chudicio d'esvurcio ye la propiedat d'un castiello en Irlanda clamau Caisleán Cloiche, toz dos avogaus marchan enta ixe país ta trobar-ie testigos a lo suyo favor. Como en o lugar se i celebra un festival romantico, toz dos i van convidaus y a lo día siguient descubren que, estando bien trapizaus toz dos, han celebrau a suya voda.
A cinta s'ambienta en o suyo momento actual (2004) en Nueva York en os Estaus Unius y en Irlanda, y las suyas escenas se filmoron en Cill Téagáin, Tóchar y atras localizacions en o condau de Cill Mhantáin y en Dublín en Irlanda, amás d'os Ardmore Studios en Bré en Cill Mhantáin y d'a propia ciudat de Nueva York en os Estaus Unius.[2]
Ye una cinta que ha recibiu bellas nominacions a premios cinematograficos, pero que garra d'istos premios no fa parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar
Datos: Q819109
