La gran familia
La gran familia (títol orichinal en castellano, en aragonés A gran familia, enguerada en Aragón con o suyo títol orichinal) ye una cinta de cine de comedia dramatica de cine espanyol de l'anyo 1962 dirichida por Fernando Palacios seguntes un guión orichinal de Rafael J. Salvia, Pedro Masó y Antonio Vich, con una banda sonora orichinal d'Adolfo Waitzman, una dirección de fotografía de Víctor Benítez y Juan Mariné, una producción cinematografica d'o productor cinematografico Pedro Masó ta la suya productora cinematografica Pedro Masó Producciones Cinematográficas y un elenco d'o cual en fan parte, entre d'atros, os actors Alberto Closas, Amparo Soler Leal, José Isbert, José Luis López Vázquez, María José Alfonso, Jaime Blanch, Pedro Mari Sánchez, Maribel Martín, Paco Valladares, Julia Gutiérrez Caba, María Isbert, Jesús Álvarez, Luis Barbero, Jesús Guzmán, Pedro Sempson, Valentín Tornos, Félix Acaso, José María Caffarel, Laly Soldevila, José María Prada y Luis Morris.
La gran familia amuestra la vida d'una familia nombrosa, con 15 fillos, y las vicisituz d'una familia d'iste gran tamanyo, que amás convive con l'avuelo, y que pende de nomás que lo sueldo d'o pai de familia con o suyo treballo d'aparellador, con a cual cosa a sobén pasan dificultaz economicas, que siempre soluciona lo padrín d'os ninos, propietario d'una pastelería. Enm un conchunto d'episodios, s'amuestra la vida cotidiana d'a familia, en destacando la perdida d'o suyo fillo mas chicot, Chencho, que encara no sabe charrar, en a plaza Mayor de Madrit mientres o mercau nadalenco. Se considera que ye una cints que amuestra las caracteristicas que deseyaba lo franquismo como modelo familiar y la cinta tenió un important exito de publico, chenerando una saga de cintas que tenió continación en 1965 con La familia y uno más, d'o mesmo director y con a mayor parte de l'elenco d'a primer cinta (con a excepción d'Amparo Soler Leal y José Isbert), y que continó con La familia, bien, gracias (1979, Pedro Masó) y La gran familia... 30 años después (1999, Pedro Masó).
A cinta s'ambienta asinas en a suya epoca actual (1962) en as ciudaz de Madrit y Tarragona y las suyas escenas se filmoron en ixas mesmas ciudaz.[2] As escenas relativas a las vacanzas en Tarragona se filmoron en ixa mesma ciudat y en Altafulla, tamién en a provincia de Tarragona. Se tracta d'una cinta que recibó bels premios y nominacions.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) La gran familia en Internet Movie Database.
- (es) La gran familia en FilmAffinity.
- (en) La gran familia en Letterboxd.
- (en) La gran familia en AllMovie.
Datos: Q6466175
