Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kninska Krajina ye una rechión historica y cheografica de Croacia, part de la rechión d'antepaís dita Zagora. Lo suyo centro ye Knin.

Envista d'un paisache en Kninska Krajina.

Cheografía editar

Kninska Krajina se situa entre Bukovica a lo norueste, Drniška krajina (en Zagora) a lo sud, Cetinska krajina a lo sudueste, y Završje (Bosnia y Herzegovina) a l'este.

Historia editar

Edat Meya editar

En lo sieglo VI, la rechión fue poblada por eslaus (Sklavenoi). Knin mesmo fue mencionau por primera vegada por l'emperador Costantín VII Porfirocheneta (r. 913–959) como centro d'una parroquia baixo dominio croata. Lo rei Pero Krešimir IV de Croacia (r. 1058–1075) consiguió que Knin se convertise en Seu bispal y lo bispe de Knin prenés lo titol de bispe de los croatas (episcopus Chroatorum). Demetrio Zvonimir de Croatia (r. 1075–1089) s'establió en la ciudat.

Bi ha enrunas de d'ilesias y monesterios ortodoxos dende lo sieglo XV, lo que suchiere los serbios ya habitaban esta rechión enantes. En este sieglo, l'Imperio Otomán ocupó esta zona y la mes gran part de la población nativa fuyió. La rechión quedó abandonada y destruita mientres los abances otomans enta lo norte y l'ueste. La rechión quedó incluyida en lo Sanjak de Kirka.

Periodo moderno editar

Enta los sieglos XVII y XVIII, l'Imperio austriaco consiguió aturar los abances de los otomans y fer-los reblar. Tanymientres la zona heba estau repoblada por una escasa población ortodoxa serbia u vlaca dende por lo menos lo sieglo XV. Estos serbios u vlacos heban fuyito de los otomans y lis daron tierras en pagas por defender la muga con los otomans en lo que se convertiría en la zona tampón conoixida como Vojna Krajina u "Muga Militar".

En 1990 fue creyada la rechión autonoma serbia SAO Kninska Krajina, creyada con un gubierno local y con nombre derivau de la rechión cheografica. Esta rechión, chunto con atras autoproclamadas rechions autonomas habitadas por serbios s'unioron pa formar la Republica Serbia de Krajina, que miró de permaneixer unida a Serbia y Montenegro oposando-se a la proclamación d'inpendencia de Croacia en 1991. La zona quedó baixo control serbio y estió un escenario de limpieza etnica de población croata. En 1995 lo exercito croata prenió control de la zona en la Operación Tronada, y la mes gran part de la población serbia fuyió. Actualment la rechión ye poco poblada por haber-ie pocas oportunidaz economicas, manimenos una part de la población serbia fuyida en 1995 ha iu tornando progresivament.

Se veiga tamién editar