Bogdan Khmelnitski

(Reendrezau dende Khmelnitsky)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bogdan Khmelnitski
Bogdan Khmelnitski
Bogdan Khmelnitski
Información personal
Calendata de naixencia 27 d'aviento de 1595
Puesto de naixencia Republica d'as Dos Nacions
Calendata de muerte 26 de chulio (6 d'agosto en o calandario chuliano) de 1657
Puesto de muerte Imperio Ruso
Ocupación hetman d'os cosacos zaporizhians

Bogdan Khmelnitski, en ucrainés Богдан Зиновій Хмельницький (Bogdan Zynovi Khmelnytsky), naixió o 27 d'aviento de 1595 y morió o 26 de chulio (6 d'agosto en o calandario chuliano) de 1657, y estió un hetman d'os cosacos zaporizhians que dirichió una revuelta contra Polonia, dita Sublevación de Khmelnitski, y fació que Kiev y os territorios cosacos a l'este d'o río Dniéper pasasen a Rusia.

Fue educato por os chesuitas de Lviv y aprendió polaco y latín. Prenió dimpués experiencia militar con os zaporizhians.

Tenió pleitos con as autoridarz polacas por o impuestos y tributos. En 1646 se fació esleyir hetman. En 1647 un oficial polaco enemigo suyo saqueyó as suyas tierras, cremó a suya casa, mató a lo suyo fillo y se'n fue con a suya amant. Dende ixe inte organizó una revuelta antipolaca con l'aduya d'os zaporizhians y d'os antigos enemigos tartres, dita Sublevación de Khmelnitski. Se produció un ataque a grant escala contra l'administración, l'exercito polaco, os terratenients y os burgueses polacos, que yeran crematos en as casas, espelletatos u escuarteratos con caballos. Lviv fue asitiata. Tamién destacoron por os pogroms antichodigos. Os sacerdoz catolicos tamién fuoron perseguitos.

Encara que Polonia (a Republica d'as Dos Nacions) fació concesions, a guerra siguió y encara que os cosacos yeran derrotatos a vegatas y muitos se'n sozmenten, i heba indefinición.

Demandoron aduya a lo zar de Rusia Aleixo o Chentil, que tardó dos anyatas en responder. En 1654, dimpués de muitas negociacions, Bogdán y os cosacos acceptoron l'autoridat d'o zar de Rusia y refusoron a sobiranía polaca, (Tratato de Perejaslav). Os rusos reconoixeban en teoría as libertaz y institucions d'os cosacos.

Bibliografía editar

  • (es) John Ure: Los Cosacos. Ariel pueblos, 2002.