Abrir menú principal
Kaiane Aldorino
Kaiane Aldorino en a Expo de Xangai
Kaiane Aldorino en a Expo de Xangai
Información personal
Calendata de naixencia 8 de chulio de 1986
Puesto de naixencia Flag of Gibraltar.svg Chibraltar
Altaria 1.74 m

Kaiane Aldorino (naixita o 8 de chulio de 1986) ye una modelo chibraltarenya ganadora d'o títol de Miss Chibraltar 2009 y Miss Mundo en ixe mesmo anyo en Johannesburg, Sudafrica.[1] Estió a primera Miss Chibraltar que heba plegato mesmo dica a final d'o concurso Miss World.[2]

Vida personalEditar

 
Kaiane Aldorino como Miss World 2009 en l'Aeropuerto de Chibraltar en a suya bienplegata o 17 d'aviento de 2009.

Aldorino naixió de Chibraltar, puesto a on encara vive. Antis de convertir-se en Miss Gibraltar 2009 treballó en l'aria de recursos humans d'o Hespital de St Bernard en Chibraltar mientres cinco anyos.[3][4]

Como a mayoría de chibraltarenyos ye bilingüe, parlando tanto anglés como castellán.[5] Le cuaca chugar a o netball y ir a o chimnasio.[4]

Dende que teneba 14 anyos feba parti d'o grupo de baile Urban Dance Group, hebendo feito actuacions por Chibraltar y Espanya, y practicando estilos de baile moderno, hiphop, contemporanio y comercial. En as entrevistas que l'han feito como Miss Mundo siempre ha destacato os momentos mas importants d'a suya carrera como bailarina, como a suya participación en o "Campionato d'o Mundo de Baile 2008"[6] organizato en Riesa, Alemanya, por a "Organización Internacional de Danza"[7] y a on que participó representando a o suyo país como parti d'o Equipe Nacional de Danza de Chibraltar.[4] Obtenioron o 17[8] puesto, fendo historia por estar a primera vegata que Chibraltar pasaba d'a primera ronda en a categoría por equipes.[9]

Miss Gibraltar 2009Editar

O 27 de chunio de 2009, Aldorino fue coronata Miss Chibraltar 2009, succedendo a Krystle Robba, en una ceremonia que se fació en l'Alameda Open Air Theatre en o Chardín Botanico de Chibraltar.[3]

Miss Mundo 2009Editar

 
Miss Mundo 2009 en as celebrations de bienplegata en Gibraltar, o 17 d'aviento de 2009.

Aldorino fació historia o 12 d'aviento de 2009 convertindose en a primera Miss Chibraltar en ganar Miss Mundo.[1] Tamién ye a primera y sola muller d'o suyo país que plega a las semifinals d'iste concurso internacional.[10]

Poquet dimpués que Aldorino fuese coronata por a suya predecesora, Ksenia Sukhinova de Rusia, Chibraltar esclató en una gran celebración y os suyos habitants salioron ta as carreras. A chent ondeyaba a bandera de Chibraltar, cantaba, feba sonar os claxons d'os suyos autos y chitaban fuegos artificials.[11] O Primer Menistro de Chibraltar Peter Caruana dició que heba estato un "importantismo logro ta ella y ta Chibraltar" y prometió una "bienplegata propia d'una reina".[10]

BienplegataEditar

O 15 d'aviento de 2009, o Gubierno de Chibraltar anunció que Kaiane volaría o día siguient dende Londres enta Chibraltar en un vuelo privato.[12] O 16 d'aviento de 2009, o gubierno chibraltarenyo quitó una nota de prensa a on que indicaba os detalles d'os eventos que s'iban a realizar en a bienplegata de Kaiane. Istos incluyiban una recepción publica en o Aeropuerto de Chibraltar, un desfile por a Main Street (a prencipal carrera d'a ciudat), a on que Kaiane iría en o mesmo coche descapotable que emplegoron Diana de Galas y o Prencipe Carlos en a suya vestita oficial mientres a suya luna de miel en Chibraltar.[13] O 17 d'aviento de 2009 o pueblo de Chibraltar salió a las carreras mientres o desfile recorreba a Main Street precedito por a colla musical d'o Royal Gibraltar Regiment rematando en a Casa d'a Villa a on que Kaiane salió a o balcón. Dimpués se fació una rueda de prensa y una recepción en o Rock Hotel. As celebrations rematoron con fuegos artificials en a badía de Chibraltar.[14] O gubierno tamién pidió que totz os comercios de Chibraltar que podesen zarrasen entre as 16 y as 18 horas d'ixe día ta permitir a os treballadors asistir a las celebracions.[14]

Vinclos externosEditar

ReferenciasEditar