José Marco Berges
- Iste articlo ye sobre un politico aragonés, president d'a Deputación Cheneral d'Aragón; ta atros usos, se veiga José Marco.
| José Marco Berges | |
|---|---|
| 18 de setiembre de 1993 – 18 de chinero de 1995 | |
| Gubierno | Gubierno Marco |
| Precediu por | Emilio Eiroa García |
| Succediu por | Ramón Tejedor Sanz |
| 1987 – 1993 | |
| Lugartenient | Pascual Marco Sebastián |
| Precediu por | Carlos Alegre Sero |
| Succediu por | Pascual Marco Sebastián |
| 20 de chunio de 1991 – 18 de chinero de 1995 | |
| 1979 – 1987 | |
| Precediu por | Primero d'a democracia |
| Succediu por | Manuel Sancho Sancho |
| 1991 – 1993 | |
| Precediu por | Manuel Sancho Sancho |
| Succediu por | Manuel Sancho Sancho |
| Naiximiento | 10 de chinero de 1950 Pedrola (Ribera Alta d'Ebro, Zaragoza)
|
| Partiu | Partido de los Socialistas de Aragón |
| Alma Máter | Universidat de Roma La Sapienza Universidat de Valencia Universidat de Zaragoza |
José Marco Berges (Pedrola, Ribera Alta de l'Ebro, Zaragoza, 10 de chinero de 1950) ye un politico y profesor de Filosofía aragonés. Estió President d'a Deputación Provincial de Zaragoza (DPZ) entre 1993 y 1995.
Biografía
editarLicenciau en Filosofía y Letras, cursó estudios en o Seminario y en as universidaz de Roma, Valencia y Zaragoza. Exerció a docencia en Covaleda (Soria) y dimpués en l'academia d'amostranza d'a que yera titular.
Prencipió a suya carrera politica como alcalde independient de Pedrola en 1979, dentrando posteriorment en o PSOE.
Dende o 9 de chulio de 1987 dica o 27 de setiembre de 1993 estió president d'a Deputación Provincial de Zaragoza.[1]
Estió alcalde de Pedrola dica 1993.[1]
Secretario cheneral d'o PSOE-Aragón con os refirmes d'a corrient guerrista dende 1989.[1] Miembro d'o Comité Federal d'o PSOE dende 1985 dica 1993.[1]
En 1991 encabezó a lista a las autonomicas de 1991, en as que o PSOE estió o partiu más votau (30 escanyos), pero no obtenió a mayoría absoluta (34 escanyos). Ello posibilitó a creación d'un gubierno de coalición entre o Partido Popular (17 escanyos) y o Partido Aragonés (17 escanyos), y a investidura d'Emilio Eiroa García (PAR) dimpués de l'aprontada renuncia d'Hipólito Gómez de las Roces, que heba encabezau a lista d'o PAR.
En setiembre de 1993, José Marco presentó una moción de censura contra o gubierno d'Emilio Eiroa que triunfó en o pleno d'o 15 de setiembre, por lo que Marco se convertió en President d'o Gubierno d'Aragón con os votos afirmativos d'o suyo partiu PSOE (30), IU (3) y un trasfuga clamau Emilio Gomáriz elechiu por o PP (1) y os votos negativos d'o PAR (17) y o PP (16).
En chinero de 1995 o PAR solicitó a creyación d'una comisión pa aclarar por qué en estar preguntau en sesión de Corz por o suyo patrimonio, no heba ementau a compra d'un campo de alfalz de 200 m² que no constaba en a suya declaración de renta, encara que sí en a d'a suya muller.
En 1995 tenió dos procesos chudicials, o d'as ascuitas; y o d'o sillón. Por iste segundo fue imputau a petición d'o fiscal chefe de Zaragoza porque le'n acusaba por mercar un sillón cuan yera president d'a Deputación Provincia de Zaragoza y quedarse-lo. Beluns d'os suyos consellers sucherioron a José Marco que dimitiera, pero él atrasó a decisión, por considerar que no recibió o sillón, ya que a factura inculpatoria yera falsa, ya que yera la unica feita a man en tot l'anyo por ixa empresa, y calendada o zaguer domingo de chulio, que no viviba en Conde Aranda 6 (Escolapios), y que no conoixeba a o sinyor Blanco a qui heba d'haber feito o encargo.
Se veyió obligau a albandonar a Secretaría Cheneral d'o PSOE-Aragón, por orden de Ciprià Císcar, fue expedientau, y suspendiu de militancia.
Fracasau o intento de que debant d'o Gubierno d'Aragón le succediera Ángela Abós, Ramón Tejedor Sanz se fació cargo d'a presidencia en funcions dica as eleccions de mayo de 1995.
A resultas d'o proceso incoau, con motivo d'as ascuitas telefonicas que dicen ordenó reyalizar, fue condenau a seis anyos d'inhabilitación especial.
Dende alavez, ye alpartau de toda actividat politica, s'adedica a chestionar negocios, entre ellos a empresa de transporte Bonavía, y a gasolinera y hotel-restaurant El Castillo, situaus en Pedrola (N-232).
Referencias
editar- ↑ 1,0 1,1 1,2 1,3 (es) , Alicia (1999), Los presidentes de la Diputación Provincial de Zaragoza (1813-1999), 216, Diputación Provincial de Zaragoza. ISBN 84-89721-58-0.
Se veiga tamién
editar| Predecesor: Emilio Eiroa García |
President d'Aragón 1993-1995 |
Succesor: Ramón Tejedor Sanz |
| Predecesor: Santiago Marraco |
President d'a Deputación Provincial de Zaragoza 1987-1993 |
Succesor: Isidoro Estebán |
| Predecesor: Florencio Repollés Julve |
Secretario Cheneral d'o PSOE-Aragón 1988-1995 |
Succesor: Pascual Marco Sebastián |
Datos: Q9014297
Multimedia: José Marco Berges / Q9014297
