José Luandino Vieira

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

José Luandino Vieira
Información personal
Calendata de naixencia	4 de mayo de 1935
Puesto de naixencia	Ourém (districto de Santarém, Portugal)
Ocupación	Escritor y poeta

José Luandino Vieira (seudonimo de José Mateus Vieira da Graça), naixito d'Ourém (districto de Santarém, Portugal) o 4 de mayo de 1935, ye un escritor, poeta y traductor angolenyo, que emplegó tamién os seudonimos de José Graça y José Muimbu.

Por a suya labor d'escritor recibió o Premio Camões en 2006.

Datos biograficos

Encara que ye naixito de Portugal, os suyos pais se tresladoron t'Angola cuan teneba 3 anyadas. Astí i crexió y i fació os suyos estudios, en Luanda. Mientres a ditadura d'António de Oliveira Salazar fació o suyo compromiso politico en favor d'a independencia d'Angola (que en ixas envueltas yera una colonia portuguesa), por lo cual fue engarcholato por a Polícia Internacional y de Defesa do Estado, a policía politica d'a dictadura, en 1959. Condenato en 1961 a 14 anyos de garchola por as suyas ideyas independentistas, no fue liberato dica 1972, con residencia cosirata en Lisbona.

Dimpués d'a independencia d'Angola estió o director d'a Televisión Popular d'Angola, y tamién director d'o Instituto Angoleño d'o Cine.

Ye miembro fundador d'a Unión d'Escritors Angoleños, y en estió o president dende o suyo establimiento o 10 d'aviento de 1975 dica 1992.

Obra

Cuentos

• 1957: A cidade e a infância.
• 1961: Duas histórias de pequenos burgueses.
• 1963: Luuanda.
• 1968: Vidas novas .
• 1974: Velhas estórias.
• 1974: Duas estórias.
• 1974: No antigamente, na vida.
• 1978: Macamdumba.
• 1981: Lourentinho, Dona Antónia de Sousa Neto & eu.
• 1986: Estória da baciazinha de Quitaba.

Novela

• 1961: A vida verdadeira de Domingos Xavier.
• 1979: João Vêncio : Os seus amores.

Romances

• 1974: Nós, os do Makulusu, 1974
• 2003: Nosso Musseque.
• 2006: O livro dos rios, 1º vol. da trilogia De rios velhos e guerrilheiros.

Literatura chubenil

• 2006: A guerra dos fazedores de chuva com os caçadores de nuvens. Guerra para crianças.

Atros

• 1998: Kapapa : pássaros e peixes.
• 1998: À espera do luar.

Vinclos externos

• (pt) Presentación de l'autor en o Premio Camões.

Predecesor: Lygia Fagundes Telles

Premio Camões 2006

Succesor: António Lobo Antunes

• Datos: Q558950