Islas Shetland

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As islas Shetland (Sealtainn en gaelico escocés, Hjaltland en norn) son un grupo d'islas de l'oceano Atlantico septentrional situatas entre as islas Feroe, ta o sudueste de Noruega, y Gran Bretanya. Con una latitut bel poquet por dencima d'os 60º N, representan a estrimera septentrional d'o Mar d'o Norte. Administrativament son uno d'os 32 condatos d'Escocia.

Bandera d'as Islas Shetland

Mapa d'as Islas Shetland

As islas tienen un total de 1469 km² de superficie, con una población de bels 22.000 habitants, d'os que bels 7.000 viven en Lerwick, a capital.

O clima ye humido y fresco (anque suavizato por a influencia d'a corrient d'o Golfo). Lerwick acumula 1.140 mm en 181 días de precipitación por anyada. As temperaturas, sin guaires variacions anyals (por a suya latitut), son de 7 °C de meya, con 12 °C en chulio y agosto, y 3 °C en chinero y febrero.

Historia y cultura

Os vikingos noruegos arriboron en las Islas Sealtainn a principios d'o sieglo VIII y dimpués de colonizar-las sirvioron como escala pa atras expedicions. Dende estas islas plegoron a las Islas Feroe arredol de l'anyo 800

Dimpués de fer parti de Noruega en a Edat Meya, as islas pasoron a la corona escocesa o 20 de febrero de 1472. En a Segunda Guerra Mundial, barcas procedents d'as islas Shetland proporcionoron aduya a la Noruega ocupata, y acullioron fuyitivos.

Como luenga d'a población, l'antigo norn d'orichen escandinavo (evolución local d'o norrén antigo d'os vikingos), fue substituyiu por l'anglico escocés, agora retaculando debant de l'anglés.

Referencias

• Datos: Q47134
• Multimedia: Shetland Islands / Q47134