ISF (d'o francés Ingénieurs sans frontières, en aragonés Incheniería sin Buegas) ye un conchunto d'organizacions no gubertamentales con seus en diferents países que la suya actividat ye basada en l'aplicación d'a incheniería pa resolver problemas concretos en países en desembolique.

Prochecto d'enerchía solar pa alimentar un hespital en Ruanda.

A gran mayoría d'os grupos de ISF son vinculaus a lo mundo academico y gran parte d'os suyos miembros son estudiants. Os grupos ISF s'han fundau y desenvuelto independientment y mantienen diversos vinclos de chuntura. Qualques grupos son asociaus en a organización EWB-I (de l'anglés Engineers without Borders - International). Atros como EWB-Canada u ISF-Espanya no perteneixen a ella.

HistoriaEditar

O primer grupo ISF se fundó en Francia en o decenio de 1980.

En o estau espanyol se fundoron en 1991 tres grupos independients entre ell: ISF-Aragón, ISF Madrid y ISF Asturias. Posteriorment, en 1992, naixió ISF Valencia y en 1993 ESF Catalunya.

En zaguerías de 1990 se fundó en Canadá o grupo EWB (Engineers without Borders). En 2001 se fundoron os grupos de Reino Uniu y Estaus Unius.