Homefront (cinta de 2013)
- Iste articlo ye sobre una cinta estausunidense d'intriga y acción de 2013; ta atros usos, se veiga Homefront y Homefront (cinta).
Homefront (títol orichinal en anglés, en aragonés Frent de casa, enguerada en Aragón con o títol en castellano d'El protector, en aragonés O protector) ye una cinta de cine estausunidense de cine d'intriga d'acción enguerada l'anyo 2013 dirichida por Gary Fleder seguntes un guión adaptau por Sylvester Stallone (basau en a novela Homefront, publicada por Chuck Logan), con una banda sonora orichinal de Mark Isham, una dirección de fotografía de Theo van de Sande, una producción cinematografica de Sylvester Stallone, Kevin King Templeton y John Thompson ta las productoras Endgame Entertainment, Millennium Films y Nu Image, y que conta con un elenco d'actors d'o cual en fan parte, entre d'atros, Jason Statham, James Franco, Winona Ryder, Kate Bosworth, Rachelle Lefevre, Frank Grillo, Clancy Brown y Izabela Vidovic.
Phil Broker ye un achent d'a Drug Enforcement Administration qu treballa como infiltrau en una banda de narcotraficants. Mientres a detención d'a banda muere lo fillo d'o chefe d'a banda y iste culpa a Phil. Temendo por su filla, Phil decide albandonar l'achencia y marchar bien luent ta prencipiar una nueva vida, instalando-se en un lugarón de Loisiana. Tanimientres, bien luego su filla tien un problema con un companyero de clase, que encara que ye un nino ye un farute que esparvoreixe a los suyos companyeros. Pero Maddy, la nina, aplica las leccions que li ha dau su pai y lo vence en a baralla. Como la mai d'o nino reclama, claman a Phil a la escuela y iste, encara que en privau felicita a su filla preba dxe pacificar a situación charrando con os pais d'o nino, pro la mai insta una barala entre Phil y su mariu a on tamién vence Phil. Ta vengar-se, la mai d'o nino contacta con su chirmano, que ye un chicot narcotraficant d'a redolada y que casualmet descubre qui ye en realidat Phill y amás conoix a lo chefe d'a banda que lo busca, dando-les la información con l'asperanza de fer buens negocios con a banda.
A cinta s'ambienta en a suya epoca actual en Loisiana, y las suyas escenas se filmoron en Akers, Bridge City, Gretna, Lockport, Nueva Orleans, Ponchatoula y atros puestos de Loisiana.[2]
Ye una cinta que ha recibiu bella nominación a bel premio, encara que istos no fan parte d'os premios cinematograficos mas conoixius u destacaus.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ (en) Enguero de Homefront en Internet Movie Database.
- ↑ (en) Localizacions de Homefront en Internet Movie Database.
- ↑ (en) Homefront en Internet Movie Database.
Vinclos externos
editar- (en) Homefront en Internet Movie Database.
Datos: Q3139644
