Guitarra ritmica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A guitarra ritmica ("Rhythm guitar" en anglés) ye una guitarra que se fa servir ta mantener l'acompanyamiento ritmico y harmonico d'un cantaire mas que mas u ta atros instrumentos en un grupo. O termin se refiere a l'uso d'o instrumento y no a la suya construcción. O papel d'a guitarra ritmica se puet considerar como o complemento d'a guitarra solista. Ye conoixita como segunda guitarra encara que no ye por ixo un guitarrista inferior.
Proposito editar
O papel d'una guitarra ritmica ye mantener o pulso u ritmo d'una canción, y proporcionar harmonía que da soporte a os atros instrumentos u voces, en contraste con a guitarra solista que proporciona a melodía. A guitarra en una canción puet estar asins clasificata como guitarra ritmica siempre que a suya función sía mas que mas ritmica u harmonica en puesto de melodica. Un guitarrista ritmico proporciona a capa de ritmo sobre a melodía tocata por un atro instrumento u cantata por una persona.
Por un regular s'aspera que o guitarrista ritmico toque una succesión d'acordes en a musica, dita "progresión d'acordes", arredol d'a que a canción se construye. A sobén iste acompanyamiento cordial se simplifica a un conchunto de dos u tres notas, a vegatas dito "riff", que se repite.
No bi ha denguna linia definita entre o guitarrista ritmico y o guitarrista solista, y si bi ha nomás un guitarrista en o grupo, u si as cancions lo requieren, un mesmo guitarrista puet tanyer solos y ritmo en diferents momentos.