Grau Fahrenheit

O grau Fahrenheit (°F) ye una unidat de temperatura proposata por Gabriel Fahrenheit en 1724.

   Países que emplegan os graus Farenheit.

   Countries that use both Fahrenheit and Centigrade (Celsius).

   Países que emplegan os graus Centrigrados (Celsius).

Iste articlo ye sobre o grau Fahrenheit como unidat de mesura; t'atros usos d'a palabra, se veiga Fahrenheit.

En a escala Fahrenheit, o punto de fusión de l'augua ye de 32 graus, y o d'ebullición ye de 212 graus. Una esferencia d'1,8 graus Fahrenheit equivale a la d'1 grau centigrado. Fahrenheit establió a temperatura zero (0 °F), en o punto de conchelación d'una mezcla a o 50% de sal (cloruro d'amonio) y chel, y como 96 °F, pilló a temperatura d'a sangre (ell feba servir a d'os caballos). A zifra 96, puet pareixer una mida rariza, pero en primeras a escala nomás teneba dotze subdivisions iguals, ell mesmo, dividió cada división en ueito mas, obtenindo en zagueras 96 divisions en a suya escala.

As formulas de conversión a graus centigrados y kelvin son:

°F = °C⋅(9/5) +32
°C = (°F -32) ⋅ 5/9
°F = K ⋅ (9/5) -459,67
K = (°F +459,67) ⋅ 5/9

Ista escala ye actualment confinata a os países anglosaxons, mas que mas a os Estatos Unitos. Os atros paísos anglosaxons, manimenos, se son adaptando a os graus Celsius, ya que dende os anyos seisanta, bells gubiernos han empentato politicas con tendencia a l'adopción d'o Sistema Internacional y l'uso d'o Fahrenheit ha estato desplazato. Con tot y con ixo, en os Estatos Unitos, o Fahrenheit lo utiliza a población ta usos no scientificos.

A escala Fahrenheit, tien situato o zero absolut a -459,67 °F, ta facilitar o suyo uso scientifico, se creyó a escala de Rankine, que leba o 0 d'a escala fahrenheit enta o zero absoluto, de forma parellana a o que ocurre entre a de Kelvin y Celsius.

Formulas de conversión de graus FahrenheitEditar

Conversión de a Formula
Fahrenheit Celsius °C = (°F-32) / 1,8
Celsius Fahrenheit °F = °C⋅1,8 +32
Fahrenheit kelvin K = (°F+459,67) / 1,8
Kelvin Fahrenheit °F = K⋅1,8 -459,67
Fahrenheit Rankine °Ra = °F +459,67
Rankine Fahrenheit °F = °Ra-459,67
Fahrenheit Réaumur °Ré = (°F-32) / 2,25
Réaumur Fahrenheit °F = °Ré⋅2,25 + 32
Calculadora ta convertir unitats de temperatura °C, °F y K

Se veiga tamiénEditar