Granodiorita

(Reendrezau dende Granodioritas)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A granodiorita ye una roca plutonica pareixita a lo granito que corresponde en o diagrama de Streckeisen a lo campo 4. En muitos puestos on bi ha granodiorita bi ha una transición con una variación contina en composición mineralochica dica o granito.

Granodiorita de gran fin d'o Macizo Central francés.
Imachen d'una lama fina de granodiorita vista a lo microscopio petrografico con nícols cruzatos.

Por o suyo gran pareixito con o granito as dos rocas son ditas "rocas graniticas" en conchunto. Os granitos y granodioritas constituyen un 80 % d'o volumen de rocas plutonicas en a crosta continental.

Composición editar

O campo 4 d'o diagrama de Streckeisen implica que o cuarz ye entre o 20 % y o 60 % d'o volumen total de cuarz y feldespato, o feldespato alcalín por un rugular ye ortoclasa y representa entre o 10% y o 35 % d'os feldespatos, y a plachioclasa por un regular oligoclasa u andesina entre o 65 % y o 90 % d'os feldespatos.

Entre os minerals escuros son frecuents a hornblenda, a biotita y l'auchita. Como accesorios bi ha magnetita, apatito, sfena, allanita y zircón.

Textura editar

A textura ye granuta de gran fin dica gran gordo. Puet variar dende granuta hipidiomorfa a porfidica por os cristals grans de feldespato potasico u os cristals tabulars de plachioclasa.

Bibliografía editar