Gisela Pulido
| Gisela Pulido | ||
|---|---|---|
 Gisela Pulido | ||
| Información personal | ||
| Naixencia | 14 de chinero de 1994 Premià de Mar (Barcelona, Espanya)
| |
| Esporte | Kitesurf | |
| Campionato d'o mundo de kitesurf | ||
| Oro | 2004 | Freestyle |
| Oro | 2005 | Freestyle |
| Oro | 2006 | Freestyle |
| Oro | 2007 | Freestyle |
| Oro | 2008 | Freestyle |
| Oro | 2009 | Freestyle |
| Oro | 2010 | Freestyle |
| Gravity Games | ||
| Oro | 2005 | Freestyle |
| Campionato d'Espanya de kitesurf | ||
| Oro | 2006 | Freestyle |
| Oro | 2007 | Freestyle |
| Oro | 2008 | Freestyle |
| Wave Master | ||
| Oro | 2005 | Freestyle |
| Campionato d'Europa Junior | ||
| Oro | 2003 | Freestyle |
| {{{tpCampionato6}}} | ||
Gisela Pulido (14 de chinero de 1994, Premià de Mar, Barcelona) ye una esportista espanyola de kitesurf en a modalidat de freestyle.
Biografía
editarNaixita o 14 de chinero de 1994 de Premià de Mar (Barcelona, Espanya), actualment reside en a localidat andaluza de Tarifa.
Prencipia a practicar kitesurf en o verano de 2001, participando por primera vegata en o Campionato d'Europa junior de l'anyo 2003, proclamando-se campiona. En abril de l'anyo 2004 s'escayece la suya primera participación en una competición profesional, quedando en tercera posición en a etapa KPWT de Sables D'Olonne (Francia). Un mes dimpués Gisela se proclama campiona de Europa Junior sub. 21 y en chunio gana la suya primera etapa d'o circuito profesional en Istambul. Ixe mesmo anyo se proclama campiona d'o mundo KPWT en Nueva Caledonya con nomás 10 anyos d'edat.
En 2005 Gisela se treslada con a suya familia a vivir a Tarifa, ya que ye o puesto ideyal a on que puet combinar os suyos entrenamientos con a suya educación. Atra vegata torna a dominar o mundial KPWT de kitesurf, rematando en primera posición y proclamando-se bicampiona d'o mundo. Iste mesmo anyo gana la medalla d'oro en os prestichiosos Gravity Games, ganando con autoridat as etapas de Brasil y Alemanya. Os patrocinadors prencipian a intresar-se por a choven kitesurfista.
En l'anyo 2006 y con nomás que 12 anyos se convirtió en Nueva Caledonya, con 4 victorias y por tercer anyo consecutivo, en campiona d'o mundo d'a modalidad freestyle en o Kiteboard Pro World Tour femenín. A mas s'enfrentó a la campiona d'o Mundo d'o circuito PKRA, Kristin Boese, ganando en agosto de 2006 en Fuerteventura.
En marzo de 2007 recibe l'autorización d'a Professional Kiteboard Riders Association (PKRA) ta fer parti de toz os eventos d'a Copa d'o Mundo profesional. O 26 d'agosto de 2007 se proclama por cuatrena vegata campiona d'o mundo (con 6 victorias y 2 segundas plazas, d'as 8 etapas en as que participa) en as auguas d'a Mar d'o Norte, en Alemanya, en a suya primera temporata en o circuito profesional, mancando encara 2 etapas ta a finalización d'o campionato.[1] A suya victoria en o circuito profesional con 13 anyos la converte en a campiona de kitesurf mas choven d'a historia.[2] Iste anyo tamién ye nominata a os "Laureus World Sport Awards" en categoría d'esportes extremos, estando a esportista mas choven d'a historia en obtener una nominación. En aviento de 2007 ye reconoixita en a gala d'o 70 cabo d'anyo d'o diario Marca como una d'as 100 millors esportistas espanyolas.[3]
O 5 d'agosto de 2008 se proclamó por quinta vegata consecutiva Campiona d'o Mundo dimpués de ganar a decena y zaguera etapa d'o circuito en Matanzas (Chile), con un total de 6 victorias.[4] Recibe a mas os galardons de Millor esportista catalana y Millor esportista d'Andalucía.
En aviento de 2009, por seisena vegata consecutiva se converte de nuevo en Campiona d'o Mundo KPWT en Essaouira (Marruecos). Iste anyo tamién creya una escuela de kitesurf en Tarifa, a "Gisela Pulido Pro Center". Debido a una lesión en o chenullo no podió participar en totas as prebas KPWT y PKRA por lo que habió de centrar-se en a primera competición[5]
Palmarés
editarO suyo palmarés ye o siguient:
- Campiona d'o mundo PKRA 2010.
- Campiona d'o mundo PKRA waves 2010.
- Campiona d'o mundo PKRA Freestyle 2010.
- Campiona d'o mundo KPWT 2009.
- Campiona d'o mundo PKRA 2008.
- Campiona d'Espanya 2008.
- Campiona d'o mundo PKRA 2007.
- Campiona d'Espanya 2007.
- Campiona d'o mundo KPWT 2006.
- Campiona d'Espanya 2006.
- Campiona d'o mundo KPWT 2005.
- Medalla d'oro Gravity Games 2005.
- Campiona Wave Master 2005.
- Campiona d'o mundo KPWT 2004.
- Campiona d'Europa Junior 2003.
Vinclos externos
editarReferencias
editar- ↑ (es) Gisela Pulido gana en Alemania y consigue su cuarto Mundial consecutivo
- ↑ (es) www.guinnessworldrecords.com
- ↑ (es) Gran Gala 70 Aniversario Marca
- ↑ (es) La española Gisela Pulido se ha proclamado, en Chile, campiona del mundo de Kitesurf, por quinta vez consecutiva
- ↑ (es) Gisela Pulido gana en Alemania pese estar lesionada
Datos: Q465080
Multimedia: Gisela Pulido / Q465080
