Georgina Rodríguez

Georgina Rodríguez
Información personal
Naixida o:	27 de chinero de 1994
Naixida de:	Buenos Aires, Archentina
Ocupación:	Modelo y empresaria
Casada con:	Cristiano Ronaldo
Fillos:	3

Georgina Rodríguez Hernández (Buenos Aires, Archentina, 27 de chinero de 1994) ye una modelo y empresaria archentina, nacionalizada espanyola que se dio a conoixer como a parella d'o futbolista Cristiano Ronaldo en 2017. Dende alavez ha protagonizau a-saber-los desfiles, reportaches y revistas de moda y programas de televisión.

Biografía

Georgina naixió o 27 de chinero de 1994 de Buenos Aires (Archentina), pero vivió en a suya nineza y adolescencia en Chaca, Aragón. Ye filla de pai archentino, de nombre Jorge Rodríguez y mai espanyola, de nombre Ana María Hernández; como ella mesma ha confesau:

"Mi pai ye archentino y mi mai ye de Murcia. Se'n marchoron ta Buenos Aires con a mía chirmana Ivana pa que ellas conoixesen a la familia d'o mío pai. Decidioron estar-se-ie un tiempo y naixié yo. Mi pai miró de convencer a mi mai d'estar-se en Archentina, pero no lo consiguió y, cuan tenió un tiempo, se'n fue ta Murcia. Dimpués, nos tresladamos a vivir ta Chaca".

En 2016 treballó como emplegada en una botiga d'a marca Gucci en Madrit entre cuantos meses y, dimpués, en a botiga de Prada en El Corte Inglés.

Prencipió una relación con Cristiano Ronaldo a meyaus d'o 2016, encara que confirmoron a suya relación oficialment un anyo dimpués. Tenioron a la suya primera filla, Alana Martina en noviembre de 2017, estando a cuatrena filla d'o futbolista. En octubre de 2021, a parella anunció o suyo segundo embarazo.

Vinclos externos

• (es) Instagram de Georgina Rodríguez

• Datos: Q33729164
• Multimedia: Georgina Rodríguez / Q33729164